हॅमिल्टन : भारत आणि न्यूझीलंड यांच्यातील 5 सामन्यांच्या टी-20 मालिकेतील अखेरचा सामना आज (1 नोव्हेंबर) हॅमिल्टन येथील सेडन पार्क मैदानावर खेळवला जाणार आहे. मालिकेत 3-1 अशी विजयी आघाडी घेतलेल्या टीम इंडियाचे लक्ष्य शेवटचा सामना जिंकून 4-1 अशा फरकाने मालिकेचा शेवट करण्याचे असेल. मात्र, चौथ्या टी-20 सामन्यात न्यूझीलंडकडून झालेल्या मोठ्या पराभवानंतर भारतीय संघाच्या प्लेइंग इलेव्हनमध्ये काही महत्त्वाचे बदल होण्याची शक्यता आहे. विशेष म्हणजे, युवा फलंदाज वैभव सूर्यवंशी आणि अनुभवी वेगवान गोलंदाज भुवनेश्वर कुमार यांना संधी मिळू शकते.

चौथ्या टी-20 सामन्यात न्यूझीलंडने भारताचा 87 धावांनी पराभव केला होता. प्रथम फलंदाजी करताना न्यूझीलंडने 20 षटकांत 259 धावांचा डोंगर उभारला. ग्लेन फिलिप्सने अवघ्या 49 चेंडूंमध्ये 107 धावांची वादळी खेळी केली, तर मायकेल ब्रेसवेलने 25 चेंडूंत 65 धावा ठोकल्या. प्रत्युत्तरात भारतीय संघाला 172 धावांपर्यंतच मजल मारता आली. त्यामुळे अखेरच्या सामन्यात गोलंदाजी आणि फलंदाजी या दोन्ही विभागांत सुधारणा करण्याचे आव्हान भारतासमोर असेल.

वैभव सूर्यवंशीला संधी, संजू सॅमसन बाहेर?

पाचव्या सामन्यासाठी भारतीय संघाच्या फलंदाजी क्रमात बदल होण्याची शक्यता आहे. संजू सॅमसनच्या जागी युवा फलंदाज वैभव सूर्यवंशीला संधी मिळू शकते. तसेच नितीश कुमार रेड्डीच्या जागी शिवम दुबेचा विचार केला जाऊ शकतो. गोलंदाजी विभागात प्रिन्स यादवच्या जागी अनुभवी भुवनेश्वर कुमारला संधी मिळण्याची शक्यता वर्तवण्यात येत आहे. याशिवाय फिरकीपटू कुलदीप यादव आणि वरुण चक्रवर्ती यांनाही अंतिम 11 मध्ये स्थान मिळू शकते. हॅमिल्टनमधील खेळपट्टी आणि परिस्थिती पाहून संघ व्यवस्थापन अंतिम निर्णय घेणार आहे.

https://www.prahaar.in/2026/11/01/aakash-chopra-slams-vaibhav-suryavanshi-demands-he-be-sent-home-from-team-india-and-advises-him-to-play-ranji-trophy-cricket/

कधी आणि कुठे होणार सामना?

भारत-न्यूझीलंड पाचवा टी-20 सामना 1 नोव्हेंबर रोजी हॅमिल्टनमधील सेडन पार्क येथे होणार आहे. भारतीय वेळेनुसार दुपारी 12.30 वाजता सामन्याला सुरुवात होईल.

भारताची संभाव्य Playing XI : अभिषेक शर्मा, वैभव सूर्यवंशी/संजू सॅमसन, ईशान किशन (यष्टीरक्षक), श्रेयस अय्यर (कर्णधार), तिलक वर्मा, अक्षर पटेल, शिवम दुबे/नितीश कुमार रेड्डी, नमन धीर, अर्शदीप सिंग, भुवनेश्वर कुमार/प्रिन्स यादव आणि मयंक यादव.

आता मालिकेच्या अखेरच्या सामन्यात टीम इंडिया कोणत्या खेळाडूंना संधी देते आणि वैभव सूर्यवंशीला पुन्हा मैदानात उतरवते का, याकडे क्रिकेट चाहत्यांचे लक्ष लागले आहे.