मुंबई : घोडबंदर मार्गावरील वाहतूक कोंडीने त्रस्त असलेल्या ठाणेकरांना दिवाळीत मेट्रोची भेट मिळणार आहे. गायमुख ते कासारवडवली या मार्गावर मेट्रो सेवा सुरू होणार असल्याची घोषणा परिवहनमंत्री प्रताप सरनाईक यांनी केली. तसेच गायमुख ते दहिसर मेट्रो सेवाही लवकरच सुरू होईल, अशी माहिती त्यांनी दिली. घोडबंदर मार्गावरील वाहतूक कोंडी कमी करण्यासाठी कोस्टल रोडचा पर्यायही तपासण्यात येत असल्याचे सरनाईक यांनी स्पष्ट केले.

https://www.prahaar.in/2026/10/27/6-important-rules-to-change-from-november-1st-get-the-latest-updates-regarding-gas-cylinders-pensions-and-gst/

ठाणे आणि परिसरातील वाढती वाहतूक कोंडी हा नागरिकांसाठी जिव्हाळ्याचा प्रश्न बनला आहे. घोडबंदर मार्गावर वाहनांची मोठी वर्दळ असल्याने प्रवासाचा वेळ वाढतो. या पार्श्वभूमीवर मेट्रो सेवा सुरू झाल्यास प्रवाशांना पर्यायी सार्वजनिक वाहतूक उपलब्ध होणार आहे. गायमुख ते कासारवडवली मेट्रो सेवा दिवाळीत सुरू करण्याचे नियोजन असल्याचे सरनाईक यांनी सांगितले.

घोडबंदर मार्गावरील वाहतुकीचा ताण कमी करण्यासाठी कोस्टल रोडचा पर्यायही विचाराधीन आहे. या मार्गाची पाहणी करण्यात आली असून, वाहतूक कोंडीवर उपाय शोधण्यासाठी या पर्यायाची व्यवहार्यता तपासली जात आहे. मेट्रो सेवा आणि कोस्टल रोडसारख्या पर्यायांमुळे ठाणे परिसरातील वाहतुकीचा प्रश्न सुटण्यास मदत होईल, असे सरनाईक म्हणाले.