Entertainment News: अभिनेत्री राखी सावंत हिच्या अडचणीत वाढ झाली आहे. उत्तर प्रदेशातील झाशी येथील न्यायालयाने 2010 मधील आत्महत्या प्रकरणात राखी सावंतविरुद्ध अजामीनपात्र अटक वॉरंट जारी केले आहे. टीव्ही शोमध्ये एका स्थानिक रहिवाशाबद्दल कथित आक्षेपार्ह वक्तव्य केल्याप्रकरणी हे प्रकरण सुरू आहे. राखी वारंवार न्यायालयात हजर न राहिल्याने शुक्रवारी हे वॉरंट जारी करण्यात आल्याची माहिती जिल्हा सरकारी वकील मृदुलकांत श्रीवास्तव यांनी दिली. (Rakhi Sawant)
https://www.prahaar.in/2026/10/18/horrific-accident-at-nanduri-in-the-middle-of-the-night-police-sub-inspector-killed-over-11-others-injured/
नेमके प्रकरण काय?
हे प्रकरण झाशीतील हंसारी प्रेमनगर परिसरात राहणाऱ्या लक्ष्मण अहिरवार यांच्या मृत्यूशी संबंधित आहे. लक्ष्मण यांनी 10 नोव्हेंबर 2010 रोजी कथितरीत्या आत्महत्या केली होती. त्यांच्या आई सावित्री यांनी प्रेमनगर पोलीस ठाण्यात तक्रार दाखल केली होती.
Rakhi Sawant Faces Arrest Warrant in 16-Year-Old Case Linked to ‘Rakhi Ka Insaaf’😳
Bollywood actress Rakhi Sawant has landed in fresh legal trouble after a Jhansi court issued a non-bailable warrant against her in a 2010 case linked to her reality show, Rakhi Ka Insaaf. According to reports, the case concerns allegations that a 24-year-old man, Laxman Prasad Ahirwar, was publicly humiliated during the show and later died by suicide. His family had filed a complaint following his death. The court reportedly issued the warrant after Rakhi failed to appear during the ongoing proceedings. Police have been directed to produce her before the court on December 1, 2026. The allegations remain part of the ongoing legal proceedings.
#rakhisawant #trendingpost #viralpost
— FilmiBeat (@filmibeat) October 18, 2026
तक्रारीनुसार, ऑक्टोबर 2010 मध्ये प्रसारित झालेल्या ‘राखी का इन्साफ’ या टीव्ही शोमध्ये राखी सावंत यांनी लक्ष्मण यांच्याबद्दल कथित अपमानास्पद आणि आक्षेपार्ह भाषा वापरली होती. त्यामुळे लक्ष्मण यांना अपमानित वाटल्याचा आरोप करण्यात आला आहे.
वैवाहिक वादानंतर शोमध्ये सहभाग
फिर्यादी पक्षाच्या म्हणण्यानुसार, लक्ष्मण आणि त्यांची पत्नी अनिता यांना वैवाहिक वादानंतर शोमध्ये बोलावण्यात आले होते. दोघांमधील वादानंतर अनिता माहेरी परतली होती. या प्रकरणाची पुढील सुनावणी 1 डिसेंबर रोजी होणार असल्याचे सरकारी वकिलांनी सांगितले.
गोविंदावरील वक्तव्यामुळेही चर्चेत
दरम्यान, राखी सावंत अलीकडेच अभिनेता गोविंदा आणि त्यांची पत्नी सुनीता आहुजा यांच्या वैवाहिक आयुष्याबाबत केलेल्या वक्तव्यांमुळे चर्चेत आली होती. गोविंदा यांचे कथित संबंध आणि त्यांची सह-अभिनेत्री कोमल राणी स्वर्णकर यांच्याबाबतही तिने प्रतिक्रिया दिली होती.
राखीने गोविंदा यांना पत्नीशी योग्य वागण्याचे आवाहन केले होते. तसेच कोमलवर बदनामी केल्याचा आरोप करत तिला इशाराही दिला होता. या वक्तव्यांमुळे मनोरंजन क्षेत्रात तिची चर्चा सुरू आहे. (Entertainment News)