मुंबई: मुंबई मेट्रो 3 ने प्रवास करणाऱ्या प्रवाशांसाठी आनंदाची बातमी आहे. अनंत चतुर्दशीच्या पार्श्वभूमीवर गणपती विसर्जनासाठी मुंबई मेट्रो लाईन 3 (Aqua Line)ची सेवा रात्रभर सुरू राहणार असल्याचे मुंबई मेट्रो रेल कॉर्पोरेशनकडून जाहीर करण्यात आले आहे. गणपती बाप्पाच्या निरोपासाठी जाणाऱ्या भाविकांना या विशेष सेवेचा लाभ घेता येणार आहे. आरे ते कफ परेड मार्गावर धावणारी ही मेट्रो गणेशभक्तांच्या दृष्टीने फार महत्त्वाची ठरणार आहे. मेट्रो सेवेसोबतच रेल्वे मार्गिकेवरही विशेष सेवा भाविकांना पुरवली जाणार आहे.
https://www.prahaar.in/2026/09/12/ganeshotsav-2026-news-mumbai-metro-2a-2b-7-and-9-services-extended-till-12-30-am-from-14-september-to-25th-september/
एमएमआरसीने पूर्वी मध्यरात्री 12 वाजेपर्यंत गणेश भक्तांसाठी मेट्रो सेवा देण्याचा निर्णय घेण्यात आला होता. परंतु अनंत चतुर्दशीच्या आदल्या दिवशी एमएमआरसीने गणेश भक्तांसाठी महत्त्वाचा निर्णय घेतला आहे. मुंबई मेट्रो लाईन 3 (Aqua Line)ची सेवा रात्रभर सुरू राहणार आहे. विसर्जनानंतर होणारी प्रवाशांची संभाव्य गर्दी लक्षात घेऊन प्रशासनाने महत्त्वाचा निर्णय घेतला आहे. मेट्रोनंतर पश्चिम रेल्वेवरही विशेष रेल्वे चालवल्या जाणार आहेत. 25 सप्टेंबरच्या मध्यरात्री चर्चगेट- विरार स्थानकादरम्यान 12 विशेष लोकल चालवण्याचा निर्णय घेतला आहे.
📢 प्रवाशांसाठी महत्त्वाची सूचना
अनंत चतुर्दशीच्या पार्श्वभूमीवर गणपती विसर्जनासाठी मुंबई मेट्रो लाईन ३ (Aqua Line) ची सेवा रात्रभर सुरू राहणार आहे.
गणपती बाप्पाच्या निरोपासाठी जाणाऱ्या भाविकांना या विशेष सेवेचा लाभ घेता येईल.
On the occasion of Anant Chaturdashi, Aqualine…
— MumbaiMetro3 (@MumbaiMetro3) September 24, 2026
चर्चगेट- विरार दरम्यान डाऊन मार्गावर विशेष लोकल मध्यरात्री 01.15 ते मध्यरात्री 03.45 वाजेपर्यंत धावणार आहे. तर विरार- चर्चगेट दरम्यान अप मार्गावर विशेष लोकल मध्यरात्री 12.15 ते पहाटे 3 या कालावधीत धावणार आहे. त्यामुळे विसर्जनानंतर रात्री घरी उशिरा येणाऱ्या भाविकांची प्रवासाबाबतीत गैरसोय होऊ नये, याकरिता विशेष लोकल चालवली जाणार आहे. मध्य रेल्वे मार्गिकेवरही विशेष लोकल चालवल्या जाणार आहेत. मुंबई सीएसएमटी- कल्याण, मुंबई सीएसएमटी- ठाणे आणि मुंबई सीएसएमटी- पनवेल दरम्यान लोकल चालवल्या जाणार आहेत. यामुळे गणेशभक्तांची मोठ्या प्रमाणावर गैरसोय टळणार आहे.
https://www.prahaar.in/2026/09/18/ganpati-visarjan-2026-central-railway-will-operate-22-additional-local-trains-on-the-kalyan-mumbai-csmt-thane-mumbai-csmt-and-panvel-mumbai-csmt-routes/