Mumbai : ‘मिर्झापूर’ या लोकप्रिय वेबसीरिजच्या चाहत्यांसाठी मोठी बातमी समोर आली आहे. पंकज त्रिपाठी, अली फजल आणि दिव्येंदू यांसारख्या दमदार कलाकारांची प्रमुख भूमिका असलेल्या ‘मिर्झापूर: द मूव्ही’ने बॉक्स ऑफिसवर जोरदार कमाई सुरू ठेवली आहे. 4 सप्टेंबर रोजी चित्रपटगृहांमध्ये प्रदर्शित झालेल्या या चित्रपटाने पहिल्याच आठवड्यात जगभरातील कमाईत 200 कोटी रुपयांचा टप्पा ओलांडला आहे.(Box Office Collection)

मिळालेल्या आकडेवारीनुसार, चित्रपटाने आतापर्यंत जगभरात सुमारे 213 कोटी रुपयांचा व्यवसाय केला आहे. तर भारतीय बॉक्स ऑफिसवर चित्रपटाची कमाई 148 कोटी रुपयांच्या आसपास पोहोचल्याचे सांगितले जात आहे. प्रदर्शनानंतर पहिल्या आठवड्यात कमाईचा वेग कायम राहिल्याने निर्मात्यांसाठी ही मोठी कामगिरी मानली जात आहे.(Mirzapur Movie 200 Crore)

https://www.prahaar.in/2026/09/11/thackeray-brothers-did-not-even-stand-up-while-the-maharashtra-anthem-was-playing-bjp-goes-on-the-offensive-over-a-video-from-lalbaug/

उत्तर भारतात प्रेक्षकांचा तुफान प्रतिसाद

‘मिर्झापूर: द मूव्ही’ला विशेषतः उत्तर प्रदेश आणि बिहारमधील प्रेक्षकांकडून मोठा प्रतिसाद मिळत असल्याचे समोर आले आहे. या भागातील सिंगल-स्क्रीन चित्रपटगृहांमध्ये प्रेक्षकांची मोठी गर्दी होत आहे. लखनऊ आणि जयपूरसारख्या शहरांमध्येही चित्रपटाला चांगला प्रतिसाद मिळत असून, काही शोमध्ये मोठ्या प्रमाणावर प्रेक्षक उपस्थित राहत आहेत.(Box Office Collection)

चित्रपटाच्या गुरुवारच्या कमाईनेही निर्मात्यांना दिलासा दिला आहे. गुरुवारी चित्रपटाने 10 कोटी रुपयांपेक्षा अधिक कमाई केल्याचे आकडे सांगतात. रात्रीच्या शोला मिळणारा प्रतिसादही चांगला असल्याने चित्रपटाची कमाई पुढील काही दिवसांत कायम राहण्याची शक्यता व्यक्त केली जात आहे.(Mirzapur Movie 200 Crore)

https://www.prahaar.in/2026/09/11/nashik-crime-news-female-blackmailer-spreads-terror-in-nashik-threatened-a-ca-with-a-knife-demanded-%e2%82%b95-lakh-in-extortion-and/

सर्वाधिक कमाई करणाऱ्या हिंदी चित्रपटांमध्ये पाचवे स्थान

जगभरातील सुमारे 213 कोटी रुपयांच्या कमाईसह ‘मिर्झापूर: द मूव्ही’ने यंदाच्या सर्वाधिक कमाई करणाऱ्या हिंदी चित्रपटांच्या यादीत पाचवे स्थान मिळवल्याचे सांगितले जात आहे. आता चित्रपटाची नजर टॉप-3मध्ये स्थान मिळवण्यावर आहे.(Box Office Collection)

चित्रपटाला भारतासोबतच परदेशातील प्रेक्षकांकडूनही चांगला प्रतिसाद मिळत आहे. ‘मिर्झापूर’च्या लोकप्रिय व्यक्तिरेखा मोठ्या पडद्यावर पाहण्यासाठी चाहत्यांमध्ये उत्सुकता होती. त्याचा फायदा चित्रपटाच्या बॉक्स ऑफिस कमाईला झाल्याचे दिसत आहे.

आता दुसऱ्या आठवड्यात चित्रपटाची कमाई किती वाढते आणि तो वर्षातील सर्वाधिक कमाई करणाऱ्या हिंदी चित्रपटांच्या यादीत कितव्या क्रमांकावर पोहोचतो, याकडे चित्रपटसृष्टीचे लक्ष लागले आहे. ‘मिर्झापूर: द मूव्ही’ 300 कोटींचा टप्पा गाठणार का? याचे उत्तर आगामी दिवसांत मिळणार आहे.(Mirzapur Movie 200 Crore)