Mumbai : मध्य रेल्वेवरील १५-डब्यांच्या गाड्या सामावून घेण्यासाठी प्लॅटफॉर्मचा विस्तार करण्याकरिता टिटवाळा येथे १५ दिवसांचा विशेष ट्रॅफिक आणि पॉवर ब्लॉक घेण्यात येत आहे. हा ब्लॉक दिनांक २८/२९.०८.२०२६ च्या मध्यरात्रीपासून दिनांक ११/१२.०९.२०२६ च्या मध्यरात्रीपर्यंत दररोज मध्यरात्री ५ ते ६ तास चालणार आहे. या पार्श्वभूमीवर दिनांक १०/११.०९.२०२६ (गुरुवार/शुक्रवार) च्या मध्यरात्री घेण्यात येणाऱ्या ब्लॉकदरम्यान उपनगरीय आणि मेल/एक्सप्रेस गाड्यांच्या वाहतुकीवर मोठा परिणाम होणार असून, प्रवाशांच्या सोयीसाठी रेल्वे प्रशासनाकडून त्याचे तपशीलवार नियोजन जाहीर करण्यात आले आहे.

https://www.prahaar.in/2026/09/09/deadline-for-claims-and-actions-on-voter-list-after-sir-process-till-september-30/

ब्लॉकचा तपशील व विभाग

• तारीख: दिनांक १०/११.०९.२०२६ (गुरुवार/शुक्रवार) ची मध्यरात्र

• वेळ: पहाटे ०१.४५ ते ०४.४५ वाजेपर्यंत (३ तास)

• विभाग: अप आणि डाऊन ईशान्य मार्ग

https://www.prahaar.in/2026/09/09/tribal-communities-to-receive-legal-land-ownership-on-prime-minister-narendra-modis-birthday-state-wide-campaign-to-run-until-gandhi-jayanti/

उपनगरीय सेवांवर होणारा परिणाम व शॉर्ट टर्मिनेशन/एक्सटेन्शन

ब्लॉकच्या कालावधीत टिटवाळा स्थानकापर्यंत येणाऱ्या सर्व उपनगरीय सेवा आसनगावपर्यंत वाढवल्या जातील आणि टिटवाळा येथून सुटणाऱ्या सर्व सेवा आसनगाव येथून सुटतील. तसेच ब्लॉक कालावधीत टिटवाळा आणि कसारा दरम्यान उपनगरीय सेवा उपलब्ध राहणार नाहीत.

मार्ग बदल आणि शॉर्ट टर्मिनेशन (गुरुवार, १० सप्टेंबर २०२६):

• ठाण्यापर्यंत चालवल्या जाणाऱ्या ‘डाऊन’ सेवा: सकाळी ०६.३० वाजता छत्रपती शिवाजी महाराज टर्मिनस (CSMT) येथून सुटणारी CSMT – टिटवाळा एसी लोकल, दुपारी १५.३३ वाजता दादरवरून सुटणारी दादर – टिटवाळा एसी सेवा, तसेच सकाळी ११.२४ आणि दुपारी १३.४२ वाजता CSMT वरून सुटणाऱ्या CSMT – टिटवाळा सेवा.

• कल्याणपर्यंत चालवल्या जाणाऱ्या ‘डाऊन’ सेवा: सकाळी ०९.२७ आणि सायंकाळी १९.४६ वाजता CSMT येथून सुटणाऱ्या CSMT – टिटवाळा सेवा.

• ठाण्यापासून चालवल्या जाणाऱ्या ‘अप’ सेवा: सकाळी ०९.२२ आणि सायंकाळी १७.२४ वाजता ठाण्यावरून सुटणाऱ्या टिटवाळा – CSMT एसी लोकल; तसेच सकाळी ०७.३३, दुपारी १३.०८ आणि १६.२३ वाजता ठाण्याहून सुटणाऱ्या नियमित लोकल.

• कल्याणपासून चालवल्या जाणाऱ्या ‘अप’ सेवा: सकाळी १०.३६ आणि रात्री २०.५५ वाजता कल्याणहून सुटणाऱ्या टिटवाळा – CSMT लोकल.

• विशेष गाड्या: सकाळी ०८.०२ वाजता आसनगाव येथून सुटणारी आसनगाव – परळ विशेष गाडी आणि मध्यरात्री ००.०८ वाजता CSMT येथून सुटणारी CSMT – ठाणे विशेष गाडी चालवली जाईल.

https://www.prahaar.in/2026/09/09/immediately-launch-a-rescue-operation-to-capture-the-tigress-in-amravati-citizens-safety-is-the-top-priority-revenue-minister-chandrashekhar-bawankule/

रद्द करण्यात आलेल्या प्रमुख उपनगरीय सेवा

• ‘डाऊन’ सेवा: CSMT – टिटवाळा लोकल (रात्री २२.००, २३.१६ आणि २३.४२ वा.), CSMT – कुर्ला लोकल (रात्री २०.४१ आणि सकाळी ०८.४१ वा.), CSMT – कसारा लोकल (रात्री ००.०८ वा.), CSMT – ठाणे लोकल (सकाळी ०७.१२ आणि ०८.०८ वा.), ठाणे – टिटवाळा लोकल (पहाटे ०५.३५ वा.) आणि कुर्ला – कल्याण लोकल (संध्याकाळी १७.५९ वा.).

• ‘अप’ सेवा: टिटवाळा – CSMT लोकल (रात्री २२.०६, पहाटे ०४.३२ आणि सकाळी ०६.१३ वा.), ठाणे – CSMT लोकल (सकाळी ०८.१४ आणि ०९.०८ वा.), कल्याण – CSMT लोकल (संध्याकाळी १९.०२ वा.), टिटवाळा – परळ लोकल (सकाळी ०८.०९ वा.) व टिटवाळा – ठाणे लोकल (रात्री २२.२५ वा.).

ब्लॉकपूर्वीच्या व नंतरच्या शेवटच्या आणि पहिल्या लोकल

• डाऊन (कसारा): ब्लॉकपूर्वीची शेवटची लोकल CSMT वरून रात्री २२.४७ वाजता सुटेल; तर ब्लॉकनंतरची पहिली लोकल CSMT वरून पहाटे ०४.१९ वाजता सुटेल.

• अप (CSMT): ब्लॉकपूर्वीची शेवटची लोकल कसारा येथून रात्री २२.०० वाजता सुटेल; तर ब्लॉकनंतरची पहिली लोकल कसारा येथून पहाटे ०३.५१ वाजता आणि टिटवाळा येथून सकाळी ०५.११ वाजता सुटेल.

https://www.prahaar.in/2026/09/09/if-you-have-the-guts-take-out-a-march-to-the-bjp-office-revenue-minister-chandrashekhar-bawankules-direct-challenge-to-the-congress/

मेल आणि एक्सप्रेस गाड्यांचे नियमन (Regulation)

मुंबई विभागात खालील गाड्यांचे थांबवून नियमन केले जाईल:

• गाडी क्र. 11044 (बलिया – दादर एक्सप्रेस): वासिंद येथे पहाटे ०२.२७ ते ०५.०० वा.

• गाडी क्र. 12102 (शालीमार – एलटीटी ज्ञानेश्वरी एक्सप्रेस): आटगाव येथे पहाटे ०२.३३ ते ०४.५५ वा.

• गाडी क्र. 18030 (शालीमार – एलटीटी एक्सप्रेस): खर्डी येथे पहाटे ०२.२० ते ०५.०० वा.

• गाडी क्र. 12810 (हावडा – CSMT मेल): कसारा येथे पहाटे ०२.०० ते ०४.४५ वा.

• गाडी क्र. 20104 (गोरखपूर – एलटीटी एक्सप्रेस) व गाडी क्र. 12132 (साईनगर शिर्डी – दादर एक्सप्रेस): इगतपुरी येथे पहाटे ०२.१५ ते ०५.०० वा.

याशिवाय, गोंदिया – CSMT विदर्भ एक्सप्रेस (12106), लिंगमपल्ली – CSMT देवगिरी एक्सप्रेस (17058), हजरत निजामुद्दीन – एर्नाकुलम मंगलाद्वीप एक्सप्रेस (12618), फिरोजपूर – CSMT पंजाब मेल (12138), रांची – एलटीटी एक्सप्रेस (18609) आणि नागपूर – CSMT दुरंतो एक्सप्रेस (12290) या गाड्या गंतव्यस्थानी ३० ते ४० मिनिटे उशिरा पोहोचतील. तसेच भुसावळ विभागात नंदीग्राम एक्सप्रेस (11002), अमरावती एक्सप्रेस (12112), उद्योग नगरी एक्सप्रेस (12174) आणि कुशीनगर एक्सप्रेस (22538) या गाड्यांचे योग्य प्रकारे नियमन केले जाईल.

पायाभूत सुविधांची देखभाल आणि प्रवाशांच्या सुरक्षिततेसाठी हा ब्लॉक अत्यंत आवश्यक असून, यामुळे होणाऱ्या गैरसोयीबद्दल रेल्वे प्रशासनाने दिलगीर व्यक्त केली आहे.