बर्न : स्वित्झर्लंडमधील आराऊ शहरात रविवारी पहाटे रेव्ह पार्टीदरम्यान झालेल्या अंदाधुंद गोळीबारात एका व्यक्तीचा मृत्यू झाला असून, अन्य पाच जण गंभीर जखमी झाले आहेत. पोलिसांच्या माहितीनुसार, सुमारे 3,500 लोक उपस्थित असलेल्या वार्षिक टेक्नो पार्टीदरम्यान ही हिंसक घटना घडली. अज्ञात हल्लेखोरांना पकडण्यासाठी पोलिसांनी मोठ्या प्रमाणावर शोधमोहीम सुरू केली असून, जखमींपैकी काहींची प्रकृती अत्यंत गंभीर असल्याचे सांगण्यात येत आहे.

https://prahaar.in/2026/08/30/attention-railway-passengers-spitting-or-littering-at-the-station-will-now-prove-costly-a-direct-fine-of-%e2%82%b91000/

सोशल मीडिया प्लॅटफॉर्म ‘एक्स’वर माहिती देताना पोलिसांनी सांगितले की, घटनेनंतर परिसरात मोठ्या प्रमाणावर पोलीस बंदोबस्त आणि कारवाई सुरू करण्यात आली आहे. हल्लेखोरांचा शोध सुरू असून त्यांची ओळख अद्याप पटलेली नाही, असे स्थानिक पोलिसांनी ‘एक्स’वर म्हटले आहे. तसेच या हल्ल्यामागील हेतू आणि घटनेमागील नेमकी परिस्थिती अद्याप स्पष्ट झालेली नसल्याचेही पोलिसांनी सांगितले.

https://prahaar.in/2026/08/30/dwayne-bravos-no-47-jersey-retired-by-trinbago-knight-riders/

मिळालेल्या माहितीनुसार, ‘आराऊ रेव्ह’ या कार्यक्रमादरम्यान रविवारी पहाटे सुमारे 3 वाजण्याच्या काही मिनिटे आधी गोळीबार झाला. हा वार्षिक टेक्नो पार्टीचा कार्यक्रम शनिवारी दुपारी 3 वाजता सुरू झाला होता आणि रविवारी पहाटे 2 वाजेपर्यंत सुरू होता. या भव्य कार्यक्रमाला सुमारे 3,500 लोक उपस्थित होते.

https://prahaar.in/2026/08/30/plasma-sound-and-lasers-banned-during-ganeshotsav-action-to-be-taken-against-mandals-if-decibel-limits-are-exceeded/

पोलिस प्रवक्त्या व्हेनेसा रुम्पोल्ड यांनी सांगितले की, कार्यक्रमाचे आयोजन ज्या रेसकोर्सवर करण्यात आले होते, तिथेच गोळीबाराची घटना घडली. लोकांच्या मोठ्या गर्दीत अनेक राऊंड गोळ्या झाडण्यात आल्याची माहिती त्यांनी दिली.दरम्यान, घटनास्थळी उपस्थित असलेल्या एका प्रत्यक्षदर्शीनेही गोळ्यांचा अक्षरशः वर्षाव झाल्याचे सांगितले आहे. सध्या पोलीस या प्रकरणाचा गांभीर्याने तपास करत असून, हल्लेखोरांचा शोध घेण्यासाठी मोहीम सुरू आहे.