२०० कोटी रुपयांच्या मनी लाँड्रिंग प्रकरणातील मुख्य आरोपी आणि कारागृहात असलेला ठग सुकेश चंद्रशेखर याने अभिनेत्री नोरा फतेहीला लिहिलेले एक हस्तलिखित पत्र सध्या सोशल मीडियावर प्रचंड व्हायरल होत आहे. या पत्रामुळे बॉलिवूड वर्तुळात मोठी खळबळ उडाली असून, सुकेशने नोरावर गंभीर दावे आणि अप्रत्यक्ष धमक्या दिल्या आहेत.

https://prahaar.in/2026/08/29/maharashtra-chief-minister-accepts-all-major-demands-of-tribal-students-minister-ashok-uike-shares-the-information/

महागड्या भेटवस्तू आणि पैशांच्या व्यवहारांचा दावा

या पत्रात सुकेशने दावा केला आहे की, मोरोक्कोमधील कासाब्लांका येथे घर खरेदी करण्यासाठी त्याने नोराला कोट्यवधी रुपये दिले होते. तसेच महागड्या बर्किन बॅग, बीएमडब्ल्यू आणि ‘रेंज रोव्हर’ यांसारख्या लक्झरी गाड्यांबद्दल नोराशी झालेल्या व्हॉट्सॲप संभाषणांचा उल्लेख करत, नोराला त्याच्या प्रभावाची पूर्ण जाणीव होती, असे त्याने म्हटले आहे.

https://prahaar.in/2026/08/29/jalgaon-good-news-jabalpur-coimbatore-special-train-to-run-regularly-now/

जॅकलिनबद्दल हेवा वाटत असल्याचा आरोप

सुकेशने आपल्या पत्रात अभिनेत्री जॅकलिन फर्नांडिससोबतच्या संबंधांवरही भाष्य केले आहे. नोराची जॅकलिनसोबतच्या त्याच्या नात्यावर पोटदुखी होती, असा दावा करत सुकेशने लिहिले, “तू मला दिवसातून १०-१० वेळा फोन करून जॅकलिनला सोडायला सांगायचीस आणि तुझ्या जीवनशैलीचा संपूर्ण खर्च उचलण्यासाठी मला प्रवृत्त करायचीस.”

https://prahaar.in/2026/08/29/major-setback-for-neeraj-chopra-due-to-ankle-injury-asian-games-and-2026-season-ruled-out/

“मला चिथावणी देऊ नकोस” – सुकेशचा इशारा

पत्राच्या शेवटी सुकेशने नोराला थेट इशारा दिला असून, “मला चिथावणी देऊ नकोस,” असे म्हटले आहे. आपल्या जवळील उरलेले सर्व पुरावे सार्वजनिक करण्याची धमकी त्याने दिली असून, जर पुरावे बाहेर आले तर कितीही पीआर (PR) केला तरी नोराची प्रतिष्ठा वाचू शकणार नाही, असा दावा त्याने केला आहे.

दरम्यान, या प्रकरणात नोरा फतेहीने यापूर्वीच सर्व आरोप फेटाळून लावत आपण या संपूर्ण प्रकरणात पीडित असल्याचा दावा केला आहे. या नव्या पत्रामुळे या वादाला पुन्हा एकदा तोंड फुटले आहे.