Dhule Crime : धुळे जिल्ह्यातील कायदा व सुव्यवस्था अबाधित राहावी तसेच आगामी सण-उत्सव शांततेत आणि सुरक्षित वातावरणात पार पडावेत यासाठी धुळे जिल्हा पोलिसांनी मोठे पाऊल उचलले आहे. धुळे पोलिसांनी सराईत गुन्हेगारांविरोधात प्रतिबंधात्मक कारवाईचा बडगा उगारला आहे. दोन गुन्हेगारी टोळीतील एकूण १२ गुन्हेगारांना जिल्ह्यातून हद्दपार करण्यात आले आहे. हद्दपार व्यक्ती जिल्ह्यात आढळल्यास कठोर कारवाई करण्यात येईल, असा इशारा पोलीस अधीक्षक विशाल आनंद यांनी दिला आहे. पोलिसांच्या या कारवाईने नागरिकांकडून समाधान व्यक्त करण्यात येत आहे. (Dhule Crime)

https://prahaar.in/2026/08/08/2197666-borrowers-including-public-representatives-and-government-employees-ineligible-farm-loan-waiver-scheme/

१२ सराईत गुन्हेगार हद्दपार

महाराष्ट्र पोलीस अधिनियम, १९५१ मधील कलम ५५ आणि ५६ अन्वये ही कारवाई करण्यात आली. गंभीर स्वरूपाचे गुन्हे करून नागरिकांमध्ये दहशत निर्माण करणाऱ्या सराईत गुन्हेगारांवर तसेच गुन्हेगारी टोळ्यांवर पोलिसांनी लक्ष केंद्रित केले आहे. कलम ५५ अंतर्गत मोना खालीद पिंजारी, सुलतान खालीद पिंजारी, चॅम्पियनसिंग मिलनसिंग भादा आणि फतेसिंग मिलनसिंग भादा या चौघांना हद्दपार करण्यात आले आहे. (Dhule Crime)

https://prahaar.in/2026/08/08/crucial-meeting-between-pm-modi-and-cm-yogi-in-new-delhi-detailed-discussion-on-uttar-pradeshs-development/

तर कलम ५६ अंतर्गत हाशीम मलक अब्दुल रहेमान, कृष्णा जामसिंग पारधी, विजय श्रावण नेतले, अनिल जामसिंग पारधी,  खुशाल ऊर्फ दादू परमेश्वर गोसावी, भाईदास आकाश मोरे, स्वप्निल बबन घोलप आणि शुभम शरद माळी या आठ जणांवर हद्दपारीची कारवाई करण्यात आली आहे. हद्दपारीच्या कालावधीत संबंधितांना धुळे जिल्ह्याच्या हद्दीत प्रवेश, वास्तव्य किंवा वावर करण्यास मनाई आहे. हद्दपार व्यक्ती जिल्ह्यात आढळल्यास नागरिकांनी पोलिसांना माहिती द्यावी. माहिती देणाऱ्याची ओळख गोपनीय ठेवली जाईल, असे पोलिसांनी स्पष्ट केले.