लोकप्रिय टेलिव्हिजन मालिका ‘बालिका वधू’ मधील ‘आनंदी’ या भूमिकेमुळे घरोघरात पोहोचलेली प्रसिद्ध अभिनेत्री अविका गोर सध्या गंभीर आजाराशी झुंज देत आहे. प्रकृती अत्यंत खालावल्यामुळे तिला तातडीने मुंबईतील एका रुग्णालयात दाखल करण्यात आले आहे. अविकाचा पती मिलिंद चंदवाणी यांनी सोशल मीडियावर एक व्हिडिओ शेअर करत तिच्या प्रकृतीची माहिती दिली असून, चाहत्यांना तिच्या लवकरात लवकर बरे होण्यासाठी प्रार्थना करण्याचे आवाहन केले आहे.
https://prahaar.in/2026/08/08/headquarters-of-the-countrys-urban-cooperative-banks-to-be-in-mumbai-union-home-and-cooperation-minister-amit-shah-makes-the-announcement/
५ दिवस राहिला उच्च ताप, तरीही काम सुरूच ठेवले!
मिलिंद चंदवाणी यांनी शेअर केलेल्या माहितीनुसार, अविकाला गेल्या पाच दिवसांपासून १०३ ते १०४ अंश फॅरेनहाइटपर्यंत तीव्र ताप होता. इतकी प्रकृती बिघडलेली असतानाही तिने आपल्या कामाशी तडजोड केली नाही. ज्या प्रोजेक्टचे चित्रीकरण सुरू होते, त्याचे दोन दिवसांचे उरलेले काम तिने प्रचंड तापातही अवघ्या एका दिवसात पूर्ण करून दिले. यानंतर तिला दोन दिवसांची विश्रांती मिळायला हवी होती, ज्या दरम्यान तिने घरी आराम केला आणि औषधोपचार घेतले. परंतु, अंगात अजूनही ताप असल्यामुळे ती एका जाहिरातीच्या चित्रीकरणासाठी दिल्लीला रवाना झाली.
दिल्लीला जाण्यापूर्वी तिने स्वतःची वैद्यकीय चाचणी करून घेतली होती. मुंबईत परतल्यानंतर जेव्हा अहवाल हातात आला, तेव्हा तिला डेंग्यू झाल्याचे निष्पन्न झाले. प्रकृती इतकी ढासळली होती की तिला नीट चालताही येत नव्हते आणि अन्नाचा घास घेणे देखील कठीण झाले होते. त्यानंतर डॉक्टरांच्या सल्ल्यानुसार तिला तातडीने रुग्णालयात दाखल करण्यात आले.
https://prahaar.in/2026/08/08/jalgaon-accident-news-four-people-narrowly-escaped-an-accident/
पती मिलिंद चंदवाणी यांना पत्नीचा अभिमान
View this post on Instagram
मिलिंद यांनी स्पष्ट केले की, त्यांनी अविकाला अनेकदा काम पुढे ढकलण्याची विनंती केली होती आणि निर्मात्यांनाही परिस्थिती समजली असती. परंतु, इतरांच्या वेळेचा आणि पैशांचा अपव्यय होऊ नये, असे वाटत असल्याने तिने आजारपणातही काम चालूच ठेवले. आपल्या पत्नीची कामाप्रती असलेली निष्ठा आणि समर्पण पाहून आपल्याला तिचा मनापासून अभिमान वाटत असल्याचे मिलिंद यांनी सांगितले.
https://prahaar.in/2026/08/08/probe-into-donation-scam-at-siddhivinayak-temple-chief-minister-devendra-fadnavis-orders-inquiry/
चाहत्यांकडून आणि सहकाऱ्यांकडून प्रार्थनांचे सत्र
एका बाजूला अविका स्वतः डेंग्यूसारख्या गंभीर आजाराशी झुंज देत असताना, दुसरीकडे योगायोगाने तिचे नवीन गाणे ‘फिव्हर’ (Bukhaar) देखील प्रदर्शित झाले आहे. वास्तविक जीवनात १०४ अंशाच्या तापाशी सामना करणाऱ्या अविकाच्या या गाण्यावर आणि तिच्या स्वास्थ्यासाठी चाहते सोशल मीडियावर सतत प्रार्थना करत आहेत. तिच्या निकटवर्तीयांनी आणि मित्रांनी देखील ती अत्यंत धोरणी आणि लढाऊ वृत्तीची असल्याचे सांगत तिच्या या जिद्दीचे कौतुक केले आहे. सध्या रुग्णालयात तिच्यावर योग्य वैद्यकीय उपचार सुरू असून, ती लवकरच पूर्णपणे बरी होऊन पुनरागमन करेल, अशी आशा तिच्या चाहत्यांकडून व्यक्त केली जात आहे.