नवी दिल्ली : संसदेच्या पावसाळी अधिवेशनाच्या तिसऱ्या आठवड्याचे कामकाज सोमवार ३ ऑगस्टपासून सुरू झाले आहे. निवडक महत्त्वाच्या विधेयकांवर संसदेत चर्चा सुरू आहे तर अँटी पेपर लीक हे महत्त्वाचे विधेयक संसदेच्या दोन्ही सभागृहात मंजूर झाले आहे. सत्ताधारी चर्चेस उत्सुक असताना विरोधक घोषणाबाजी करण्यात गुंतले असल्याचे चित्र वारंवार दिसत आहे. संसदीय कामकाजमंत्री किरेन रिजिजू यांनी राज्यसभेत बोलताना विरोधी पक्षनेत्याला कडक शब्दात सुनावले. चर्चेसाठी वारंवार संधी देऊनही विरोधक विधेयकावर चर्चा करण्यास उत्सुक नसल्याचे रिजिजू म्हणाले आणि वातावरण तापले. या पार्श्वभूमीवर भाजपने एनडीए मंगल मिलन बैठकीचा कार्यक्रम जाहीर केला आहे.

https://prahaar.in/2026/08/03/narayan-rane-narayan-rane-urges-the-centre-to-expedite-the-devbagh-riverbank-protection-project-submits-a-formal-request-to-the-union-steel-minister/

भाजपच्या संसदीय पक्षाने काढलेल्या प्रसिद्धीपत्रकानुसार एनडीएची मंगल मिलन बैठक मंगळवार ४ ऑगस्ट २०२६ रोजी सकाळी ९.३० वाजता संसद भवनातील ग्रंथालयात जी. एम. सी. बालायोगी सभागृहात होणार आहे. या बैठकीसाठी एनडीएतील सर्व घटक पक्षांच्या प्रतिनिधींना बोलावले आहे.

https://prahaar.in/2026/08/03/strict-action-will-be-taken-against-those-linking-other-agricultural-inputs-with-subsidized-fertilizers-a-stern-warning-from-agriculture-minister-dattatray-bharne/

परंपरेनुसार एनडीएच्या घटक पक्षांची मंगल मिलन बैठक अधिवेशन काळात प्रत्येक आठवड्याच्या मंगळवारी होत आहे. यंदाच्या पावसाळी अधिवेशनाच्या पार्श्वभूमीवर एनडीएची पहिली मंगल मिलन बैठक मंगळवार २१ जुलै २०२६ रोजी झाली. यानंतर २८ जुलैच्या मंगळवारीही बैठक झाली. आता ४ ऑगस्ट रोजी बैठक होणार आहे. ही यंदाच्या अधिवेशन काळातील एनडीएच्याघटक पक्षांची तिसरी बैठक आहे. या बैठकीच्या माध्यमातून एनडीएच्या घटक पक्षांतील समन्वय वाढवण्यावर भर दिला जात आहे. तृणमूल काँग्रेसमधून बाहेर पडलेले आणि आता एनसीपीआयमध्ये असलेले खासदार पण या बैठकीला येणार आहेत. मंगल मिलन बैठक ज्ञानवर्धक असतात. या बैठकांतून खूप मौल्यवान असे मार्गदर्शन मिळत असल्याचे तृणमूल काँग्रेसच्या खासदारांनी सांगितले.