मुंबई : मुंबई शहरातील विमानतळ परिसरातून एक धक्कादायक घटना समोर आली आहे. एका नामांकित हॉटेलमध्ये महिलेवर लैंगिक अत्याचार करण्यात आल्याची घटना समोर आली आहे. या प्रकरणी अहमदाबादमधील एका व्यावसायिकाला अटक करण्यात आली असून, न्यायालयाने त्याला 29 जुलैपर्यंत पोलीस कोठडी सुनावली आहे. पीडित महिलेच्या तक्रारीनंतर विमानतळ पोलिसांनी गुन्हा दाखल करून पुढील तपास सुरू केला आहे. (Mumbai Crime)

पोलिसांनी दिलेल्या माहितीनुसार, पीडित महिला आणि आरोपी यांची यापूर्वीपासून ओळख होती. दोघे 20 जुलै रोजी मुंबईत आले होते आणि विमानतळाजवळील एका हॉटेलमध्ये थांबले होते. त्यानंतर 22 जुलै रोजी हॉटेलच्या खोलीत आरोपीने महिलेच्या इच्छेविरुद्ध लैंगिक अत्याचार केल्याचा आरोप तक्रारीत करण्यात आला आहे. (Crime News)

https://prahaar.in/2026/07/26/will-not-contest-the-2028-karnataka-assembly-election-former-chief-minister-siddaramaiah/

घटनेनंतर पीडित महिलेने 23 जुलै रोजी विमानतळ पोलीस ठाण्यात जाऊन तक्रार दाखल केली. तक्रार मिळाल्यानंतर पोलिसांनी तत्काळ तपास सुरू करत 24 जुलै रोजी आरोपीला अटक केली. त्यानंतर आरोपीला न्यायालयात हजर करण्यात आले. प्रकरणाचे गांभीर्य लक्षात घेऊन न्यायालयाने त्याला 29 जुलैपर्यंत पोलीस कोठडी सुनावली. (Sexual Assault)

या प्रकरणाचा तपास सुरू असून पोलिसांकडून हॉटेलमधील सीसीटीव्ही फुटेज, डिजिटल पुरावे आणि घटनास्थळावरील इतर पुरावे तपासले जात आहेत. तसेच हॉटेलमधील कर्मचारी आणि संबंधित व्यक्तींचे जबाब नोंदवण्याची प्रक्रिया सुरू आहे. (Crime News)

https://prahaar.in/2026/07/26/massive-explosion-at-a-rod-manufacturing-factory-in-assam-4-workers-killed/

पीडित महिलेच्या तक्रारीच्या आधारे विमानतळ पोलीस ठाण्यात भारतीय न्याय संहिता (BNS) कलम 64, 74, 75(2), 76 आणि 333 अंतर्गत गुन्हा नोंदवण्यात आला आहे. या प्रकरणातील सर्व बाबींचा तपास सुरू असून, तपासाच्या निष्कर्षानुसार पुढील कायदेशीर कारवाई केली जाणार असल्याची माहिती पोलिसांनी दिली आहे. (Mumbai Police)