Ketan Agarwal Murder Case : केतन अग्रवाल (Ketan Agrawal) हत्या (Murder) प्रकरणात दररोज नवे धक्कादायक खुलासे समोर येत आहेत. पुण्याजवळील लोहगड (Lohgad Fort) किल्ल्यावरून व्यावसायिक (Businessman) केतन अग्रवाल याला दरीत ढकलून ठार मारल्याप्रकरणी (Murder Case) पोलीस (Police) तपासात अनेक महत्त्वाची माहिती उघड झाली आहे.

तपासादरम्यान समोर आलेल्या माहितीनुसार, केतनची होणारी पत्नी (Fiancée) सिया गोयल आणि तिचा प्रियकर चेतन चौधरी यांनी सुरुवातीला केतनचा जीव घेण्याचा नव्हे, तर त्याचा अपघात (Accident) घडवून जखमी (Injured) करण्याचा ‘प्लॅन A’ तयार केला होता. या घटनेमुळे दोघांचे लग्न पुढे ढकलले जाईल, अशी त्यांची योजना होती. मात्र, केतनला या कटाचा संशय आला तर तो सर्व प्रकार उघड करेल, या भीतीने त्यांनी अखेर त्याची हत्या करण्याचा निर्णय घेतल्याचे पोलिसांनी सांगितले.

आधी अपघाताचा कट, नंतर हत्येचा निर्णय

पोलीस तपासानुसार, केतन हा सिया आणि चेतन यांच्या प्रेमसंबंधात (Relationship) अडथळा ठरत होता. दोघांना पळून जाऊन लग्न (Marriage) करायचे नव्हते. त्यामुळे कुटुंबाची बदनामी होणार नाही आणि लग्न पुढे ढकलले जाईल, असा मार्ग ते शोधत होते. सुरुवातीला केतनला अपघातात जखमी करण्याची योजना आखण्यात आली होती. मात्र, त्यातून अपेक्षित परिणाम होणार नाही, हे लक्षात आल्यानंतर त्यांनी त्याची हत्या (Murder) करण्याचा कट रचल्याचे तपासात समोर आले.

https://prahaar.in/2026/07/22/iran-us-war-economic-challenge-for-the-trump-administration-need-for-new-funds-for-a-war-with-iran/

चित्रपट (Movies) आणि इंटरनेट (Internet) सर्चच्या आधारे आखला कट

पोलीस अधिकाऱ्यांच्या माहितीनुसार, सिया आणि चेतन यांनी अनेक आठवडे हत्येचा कट आखण्यासाठी घालवले. त्यांनी सस्पेन्स चित्रपट (Suspense Movies) पाहिले तसेच पोलिसांपासून कसे बचावायचे, याबाबत इंटरनेटवर (Internet) विविध सर्च (Search) केले. हत्या अपघाती वाटावी आणि कोणताही पुरावा (Evidence) मागे राहू नये, यासाठी त्यांनी लोणावळ्यातील टायगर पॉइंट (Tiger Point), विसापूर किल्ला (Visapur Fort) आणि इतर ठिकाणांची रेकी (Recce) केली. विविध ठिकाणांचे फोटो (Photos) शेअर केल्यानंतर त्यांनी अखेर लोहगड किल्ल्याची निवड केली.

बाली (Bali) ट्रिप रद्द करण्यासाठी पासपोर्ट (Passport) चोरीचा बनाव

केतन आणि सिया ६ जून रोजी बाली (Bali) येथे आठ दिवसांच्या सहलीसाठी (Trip) जाणार होते. मात्र, त्याआधीच कट पूर्ण करण्याची घाई सुरू होती. ३१ मे रोजी सियाने केतनसोबत लोहगड किल्ल्याला भेट देत जागेची रेकी केली. त्यानंतर बाली ट्रिप रद्द व्हावी, यासाठी तिने मुंबईत केतनचा पासपोर्ट (Passport) चोरल्याचा आरोप आहे. त्यामुळे त्यांचा परदेश दौरा (Foreign Trip) रद्द झाला.

पहिल्या प्रयत्नातून केतन बचावला

१४ जून रोजी सियाने केतनला पुन्हा लोहगडवर नेले आणि दरीत ढकलण्याचा प्रयत्न केला. मात्र, प्रसंगावधान (Presence of Mind) राखत केतनने झुडपाचा आधार घेत स्वतःचा जीव वाचवला. त्यानंतर सियाने “सापापासून वाचवण्यासाठी तुला धक्का दिला,” असा बनाव करून त्याचा संशय दूर केल्याचे तपासात समोर आले.

https://prahaar.in/2026/07/21/200000-diamond-stolen-in-singapore-using-a-fake-diamond-two-indians-arrested/

१८ जून रोजी दोघांनी मिळून केली हत्या

पहिला प्रयत्न फसल्यानंतर चेतन चौधरी स्वतः घटनास्थळी (Crime Scene) पोहोचला. पोलिसांच्या माहितीनुसार, १८ जून रोजी सिया आणि केतन यांचा पाठलाग करत चेतन लोहगड किल्ल्यावर गेला. योग्य संधी साधून दोघांनी मिळून केतनला खोल दरीत ढकलल्याचा आरोप आहे. याआधी पुण्यातील लुल्लानगर परिसरातील टेकडीवर प्रत्यक्ष कृत्याची तालीम (Rehearsal) केल्याचाही तपासात खुलासा झाला आहे. या संपूर्ण प्रकरणाचा पोलीस अधिक तपास (Investigation) करत आहेत.