न्यूयॉर्क: फिफा विश्वचषक 2026 च्या अंतिम सामन्याची प्रतीक्षा अखेर संपली आहे.  फुटबॉल विश्वातील दोन दिग्गज संघ, गतविजेता अर्जेंटिना आणि युरोपियन चॅम्पियन स्पेन, विश्वविजेतेपदासाठी एकमेकांसमोर उभे ठाकणार आहेत. अमेरिकेतील प्रसिद्ध ‘मेटलाईफ स्टेडियम’वर हा ऐतिहासिक महासंग्राम रंगणार आहे.

https://prahaar.in/2026/07/19/fifa-world-cup-final-2026-great-news-for-football-fans-you-can-now-enjoy-the-match-at-hotel-until-4am/

इतिहास घडवण्याचे अर्जेंटिनासमोर आव्हान

लिओनेल मेस्सीच्या नेतृत्वाखालील अर्जेंटिना संघ सलग दुसऱ्यांदा विश्वचषक उंचावण्याच्या इराद्याने मैदानात उतरणार आहे. १९६२ मध्ये ब्राझीलने सलग दोनदा विश्वविजेतेपद पटकावल्यानंतर आजवर कोणत्याही संघाला ही किमया साधता आलेली नाही. त्यामुळे अर्जेंटिनासाठी हा सामना ऐतिहासिक असणार आहे.

दुसरीकडे, २०१० मध्ये पहिल्यांदाच विश्वविजेतेपद मिळवणाऱ्या स्पेनने या स्पर्धेत आपल्या आक्रमक खेळाने सर्वांचे लक्ष वेधून घेतले आहे. युवा स्टार लामिन यामालच्या नेतृत्वाखालील स्पॅनिश संघ अर्जेंटिनाला तगडी टक्कर देण्यासाठी सज्ज झाला आहे.

https://prahaar.in/2026/07/19/ensure-that-the-ongoing-works-on-the-ghats-in-connection-with-the-simhastha-kumbh-mela-are-completed-within-the-stipulated-timeframe-and-to-a-high-standard-of-quality-mahajan/

भव्य उद्घाटन आणि हाफटाईम शो

सामन्याची रंगत वाढवण्यासाठी विशेष सांस्कृतिक कार्यक्रमांचे आयोजन करण्यात आले आहे. सामन्याच्या ९० मिनिटे आधी भव्य उद्घाटन सोहळा होणार आहे, ज्यात टॉम क्रूझ, रॉबी विल्यम्स, पोस्ट मॅलोन आणि IShowSpeed यांच्यासारख्या जागतिक सेलिब्रिटींची उपस्थिती असणार आहे. याशिवाय, विश्वचषकाच्या इतिहासात पहिल्यांदाच आयोजित ‘हाफटाईम शो’मध्ये शकीरा, जस्टिन बीबर, मॅडोना आणि प्रसिद्ध बँड BTS सारखे कलाकार प्रेक्षकांचे मनोरंजन करतील. अमेरिकेचे राष्ट्राध्यक्ष डोनाल्ड ट्रम्प स्वतः स्टेडियममध्ये उपस्थित राहून विजेत्या संघाला ट्रॉफी प्रदान करतील.

https://prahaar.in/2026/07/19/eknath-shinde-deputy-chief-minister-shinde-makes-a-major-announcement-regarding-the-pandharpur-corridor-no-work-will-be-undertaken-without-taking-the-farmers-into-confidence/

सामन्याची माहिती

• वेळ: सोमवारी पहाटे १२:३० वाजता (भारतीय प्रमाणवेळेनुसार).

• स्थान: मेटलाईफ स्टेडियम, न्यूयॉर्क-न्यू जर्सी, अमेरिका.

• मुख्य पंच: स्लावको विन्चिच (स्लोव्हेनिया).

सामना कुठे पाहायचा? (मोफत उपलब्ध)

भारतीय फुटबॉल चाहते हा सामना आपल्या टीव्ही आणि मोबाईलवर खालीलप्रमाणे पाहू शकतात:

• टीव्ही चॅनेल: Unite8 Sports 1, Unite8 Sports 1 HD, Unite8 Sports 2, आणि Unite8 Sports 2 HD.

• मोफत पर्याय: डीडी फ्री डिशच्या माध्यमातून ‘दूरदर्शन स्पोर्ट्स’वर सामन्याचे थेट प्रक्षेपण मोफत उपलब्ध असेल.

• ऑनलाइन स्ट्रीमिंग: ZEE5 ॲप आणि वेबसाइटवर हिंदी, इंग्रजी, मल्याळम आणि बंगाली भाषांमध्ये थेट सामना पाहता येईल.

मेस्सीचा अनुभव की स्पेनच्या तरुण खेळाडूंचा वेग, कोण ठरणार फुटबॉलच्या नव्या युगाचा राजा? या प्रश्नाचे उत्तर आजच्या महामुकाबल्यानंतर मिळणार आहे.