मुंबई : मुख्यमंत्री मत्स्यसंपदा योजनेची (Matsya Sampada Yojana) प्रभावी अंमलबजावणी करून राज्यातील अधिकाधिक मच्छिमारांना योजनांचा लाभ मिळावा, यासाठी व्यापक जनजागृती करण्याचे निर्देश मत्स्यव्यवसाय मंत्री नितेश राणे यांनी दिले. मंत्रालयात आयोजित राज्यस्तरीय आढावा बैठकीत त्यांनी विभागातील अधिकाऱ्यांना विविध योजनांच्या अंमलबजावणीचा वेग वाढविण्याच्या सूचना केल्या. (Nitesh rane)

या बैठकीला पदुम सचिव रामास्वामी एन., मत्स्यआयुक्त प्रेरणा देशभ्रतार, महाराष्ट्र मत्स्योद्योग महामंडळाचे व्यवस्थापकीय संचालक प्रकाश खपले, राज्यातील प्रादेशिक उपायुक्त, सहाय्यक आयुक्त आणि इतर वरिष्ठ अधिकारी उपस्थित होते. (Matsya Sampada Yojana )

https://prahaar.in/2026/07/17/famous-dugarwadi-waterfall-closed-indefinitely/

नितेश राणे म्हणाले की, मुख्यमंत्री मत्स्यसंपदा योजनेला मच्छिमारांकडून चांगला प्रतिसाद मिळत आहे. त्यामुळे प्रत्येक तालुक्यात नियमित विशेष शिबिरे आयोजित करून योजनांची माहिती तळागाळापर्यंत पोहोचवावी. लाभार्थ्यांची संख्या वाढवण्यासाठी विभागनिहाय नियोजन करून नियमित प्रगतीचा आढावा घ्यावा आणि त्यानुसार कृती आराखडा तयार करावा. (Fisherman)

बैठकीत विभागीय मत्स्यव्यवसाय प्रशिक्षण केंद्रांच्या उभारणीचाही आढावा घेण्यात आला. पुणे (Pune) आणि नागपूर (Nagpur) येथे प्रशिक्षण केंद्र सुरू करण्याची प्रक्रिया सुरू असून, मुंबई विभागातील वसई आणि नागपूर विभागातील गडचिरोली येथेही प्रशिक्षण केंद्र उभारणीच्या कामाला गती देण्याच्या सूचना देण्यात आल्या.

https://prahaar.in/2026/07/17/now-aaple-sarkar-seva-kendras-in-naxal-affected-areas-too/

याशिवाय, मुख्यमंत्री मत्स्यसंपदा योजनेअंतर्गत आंतरराज्य अभ्यास दौऱ्यांचाही आढावा घेण्यात आला. इतर राज्यांतील आधुनिक मत्स्यव्यवसाय तंत्रज्ञानाचा अभ्यास करून त्याचा फायदा राज्यातील मत्स्यपालकांना मिळावा, यासाठी अभ्यास दौऱ्यांचे नियोजन वेळेत पूर्ण करण्याचे निर्देश मंत्र्यांनी दिले. (Government Scheme)

बैठकीत निमखाऱ्या पाण्यात सुपर-इंटेन्सिव्ह पद्धतीने कोळंबी (Kolambi) संवर्धन योजनेवरही चर्चा झाली. या योजनेसाठी आवश्यक कार्यपद्धती आणि प्रकल्प अहवाल संबंधित विभागांना उपलब्ध करून देण्यात आले असून, प्राप्त प्रस्तावांवर तातडीने कार्यवाही करण्याच्या सूचना देण्यात आल्या.