Ahilyanagar : कर्जत-जामखेड मतदारसंघात बीएलओ यांच्यामार्फ़त मतदार याद्याचे विशेष सखोल पुनर्निरीक्षण कार्यक्रम युद्धपातळीवर असून आजतागायत ५० टक्के काम पूर्ण झाले असून ज्या मतदारांनी अजून देखील आपले इन्यूमरेशन फॉर्म भरले नाही किंवा त्यांच्याकडे नियुक्त केलेले बीएलओ आलेच नाही त्यांनी तात्काळ संबंधित नियुक्त बीएलओशी संपर्क करीत आपले फार्म भरून घ्यावे. असे आवाहन प्रांताधिकारी नितीन पाटील यांनी केले आहे.

https://prahaar.in/2026/07/17/jalgaon-horrific-accident-in-umala-ghat-on-the-chhatrapati-sambhajinagar-highway-two-killed-four-critically-injured/

भारत निवडणूक आयोगाच्या आदेशानुसार तसेच जिल्हाधिकारी अहिल्यानगर डॉ पंकज आशिया (Dr. Pankaj Asia) यांच्या मार्गदर्शनाखाली २२७ कर्जत-जामखेड मतदारसंघात मतदार याद्याचे विशेष सखोल पुनर्निरीक्षण कार्यक्रम (एसआयआर) राबविण्यात आला आहे. या कार्यक्रम अंतर्गत मतदारयाद्या अचूक बनवत त्यात पात्र नागरिकांची नावे समाविष्ट करणे यासह दुबार नावे, मयत मतदार तसेच स्थलांतरीत मतदारांची नावे वगळण्याची मोहीम सुरू आहे. यासाठी बीएलओ, सहायक बीएलओ, पर्यवेक्षक यांची नियुक्ती करण्यात आली असून कर्जत-जामखेड मतदारसंघात (Karjat-Jamkhed constituency) आजमितीस सरासरी ५० टक्के काम पूर्ण झाले आहे.

कर्जत-जामखेड मतदारसंघात एकूण ३ लाख ५० हजार ५२४ मतदार असून यातील ३ लाख ४१ हजार ७५१ मतदारांना इन्यूमरेशन फॉर्म (एसआयआर) वितरीत करण्यात आले आहे. यापैकी तब्बल १ लाख ७७ हजार ८५४ मतदारांचे इन्यूमरेशन फॉर्म (एसआयआर) नियुक्त बीएलओनी भारत निवडणूक आयोगाच्या अधिकृत पटलावर यशस्वीपणे भरले आहेत. तर उर्वरीत १ लाख ७० ५१० मतदार इन्यूमरेशन फॉर्म (एसआयआर) भरण्याचे बाकी असून ज्या मतदारांनी आपले फॉर्म भरलेच नाही किंवा त्यांच्याकडे नियुक्त केले बीएलओ आलेच नाही त्यांनी गावचे तलाठी, मंडळ अधिकारी यांच्याशी संपर्क साधत नियुक्त बीएलओचा संपर्क क्रमांक घेत आपला इन्यूमरेशन फॉर्म (एसआयआर) भरण्यास सहकार्य करावे असे आवाहन प्रांताधिकारी नितीन पाटील यांनी केले आहे.

https://prahaar.in/2026/07/17/kalyan-news-demand-for-special-funds-for-the-development-of-kalyans-bhatale-lake-narendra-pawar-submits-a-memorandum/

एसआयआरची एक प्रत मतदारांनी आपल्याकडे घ्यावी

नियुक्त बीएलओ यांच्याकडे संबंधित मतदारांचे छायाचित्र तसेच मतदार यादी, क्रमांक माहिती असलेले इन्यूमरेशन फॉर्म (एसआयआर) दोन प्रती दिले आहेत. ते दोन्ही प्रती बीएलओ मतदारांच्या समक्ष अचूक भरतील. त्या माहितीची योग्य शहानिशा केल्यावर एक प्रत बीएलओ आपल्याकडे ठेवतील तर दुसरी प्रत मतदारांनी आपल्याकडे जतन ठेवावी. भविष्यात दावे, हरकतीवेळी ती प्रत महत्वाचा पुरावा म्हणून ग्राह्य धरली जाणार आहे, असे प्रांताधिकारी नितीन पाटील यांनी म्हटले आहे.

https://prahaar.in/2026/07/17/married-woman-gang-raped-in-jalgaon/

कर्जत-जामखेडच्या १४ बीएलओचे १०० टक्के काम पूर्ण

कर्जत-जामखेड मतदारसंघासाठी ३५६ बीएलओची नियुक्ती केली असून यापैकी १४ बीएलओनी १०० टक्के काम अल्पवधीतच पार पाडले. यात प्रकाश नेटके(जळगाव), अनिता टीपगुडे(माळेवाडी), नितीन गारुडकर (गायकरवाडी), अविनाश शिंगटे(नागलवाडी), संदीप तोरडमल(सुपे), किरण होले(निंबोडी), संदीप घोडके(गोयकरवाडी) संतोष वायसे(चांदे खुर्द), रामहरी बांगर(पारेवाडी), किरण माने(गुरेवाडी), संगीता खेडकर(गोंदर्डी), महादेव हजारे(अरणगाव), किसन अभिमान(धोत्री) आणि अमोल उढाणे(शिंपोरा) या बीएलओचा सन्मान जिल्हाधिकारी डॉ पंकज आशिया यांनी केला.