मुंबई : मुंबईच्या (Mumbai) लोकल ट्रेनमध्ये (Local Train) पुन्हा एकदा धक्कादायक गुन्ह्याची (Crime) घटना समोर आली आहे. मध्यरात्री मुंबईहून अंबरनाथकडे जाणाऱ्या लोकल ट्रेनमध्ये सीटवरून (Seat) झालेल्या किरकोळ वादाचे (Dispute) रूपांतर थेट जीवघेण्या हल्ल्यात (Attack) झाले. तीन जणांनी एका प्रवाशावर धारदार कोयत्याने सपासप वार करत गंभीर जखमी केले. ही घटना ठाकुर्ली (Thakurli) रेल्वे स्थानकावर (Railway Station) घडली.

मिळालेल्या माहितीनुसार, मुंबईहून अंबरनाथच्या दिशेने जाणाऱ्या लोकल ट्रेनमध्ये मध्यरात्री दोन प्रवाशांमध्ये बसण्याच्या जागेवरून वाद सुरू झाला. सुरुवातीला केवळ शाब्दिक बाचाबाची झाली; मात्र ट्रेन पुढे जात असताना हा वाद अधिकच चिघळत गेला.

https://prahaar.in/2026/07/15/12-civilians-killed-in-firing-by-pakistani-soldiers-in-pok/

रात्री सुमारे १२:१० वाजता ट्रेन ठाकुर्ली स्थानकावर थांबताच तिघांनी अचानक धारदार कोयता बाहेर काढत संबंधित प्रवाशावर सपासप वार केले. अचानक झालेल्या या हल्ल्यामुळे डब्यात एकच गोंधळ उडाला. इतर प्रवाशांमध्ये भीतीचे वातावरण निर्माण झाले.

हल्ल्यानंतर आरोपी (Accused) तातडीने ट्रेनमधून उतरले आणि अंधाराचा फायदा घेत घटनास्थळावरून फरार (Absconding) झाले. गंभीर जखमी झालेला प्रवासी रक्ताच्या थारोळ्यात पडला होता. घटनेची माहिती मिळताच कल्याण रेल्वे पोलिसांनी (Railway Police) तात्काळ घटनास्थळी धाव घेत जखमीला उपचारासाठी (Treatment) कल्याण येथील रुक्मिणीबाई रुग्णालयात दाखल केले. सध्या त्याच्यावर उपचार सुरू आहेत.

या प्रकरणी रेल्वे पोलिसांनी गुन्हा (FIR) दाखल केला असून फरार आरोपींचा शोध सुरू केला आहे. स्थानक आणि परिसरातील सीसीटीव्ही (CCTV) फुटेजच्या (Footage) आधारे तपास (Investigation) सुरू असून आरोपींना लवकरच अटक (Arrest) करण्याचे प्रयत्न सुरू असल्याची माहिती पोलिसांनी दिली आहे.