शुटिंग संपताच रणवीर सिंग घेणार ब्रेक

बॉलिवूड अभिनेता रणवीर सिंग (Ranveer Singh) व्यावसायिक आणि वैयक्तिक आयुष्यातील महत्त्वाच्या टप्प्यात प्रवेश करत आहे. ‘धुरंधर’च्या यशानंतर रणवीर आता दिग्दर्शक जय मेहता यांच्या आगामी ‘प्रलय’ या चित्रपटाच्या तयारीत व्यस्त असून, त्याचवेळी पत्नी दीपिका पदुकोणसोबत दुसऱ्या बाळाच्या स्वागतासाठीही सज्ज होत आहे. (Bollywood News)

https://prahaar.in/2026/07/13/leopard-remains-found-in-the-great-indian-bustard-notified-area-forest-department-investigating-the-cause-of-death/

रणवीर ऑगस्ट २०२६ मध्ये ‘प्रलय’च्या चित्रीकरणाला सुरुवात करणार आहे. दिवाळीपर्यंत या चित्रपटाचे पहिले शेड्यूल पूर्ण झाल्यानंतर तो नोव्हेंबरच्या सुमारास पितृत्व रजा घेण्याची शक्यता आहे. त्यानंतर चित्रपटाचे दुसरे शेड्यूल २०२७ मध्ये सुरू होणार असल्याचे सांगितले जात आहे.

‘प्रलय’ (Pralay) हा झोम्बी थ्रिलर प्रकारातील चित्रपट असून, या शैलीतील रणवीरचा हा पहिलाच चित्रपट असेल. चित्रपटाच्या कथानकाबाबत किंवा इतर कलाकारांबाबत अद्याप अधिकृत माहिती समोर आलेली नाही. मात्र, चित्रपटाचा मोठा भाग ऑस्ट्रेलियामध्ये चित्रित केला जाणार असल्याची चर्चा आहे. या भूमिकेसाठी रणवीरने शारीरिक आणि मानसिक तयारीलाही सुरुवात केल्याचे सांगितले जात आहे.

https://prahaar.in/2026/07/13/the-first-flyover-of-the-goregaon-mulund-link-road-will-open-to-traffic-in-september/

दरम्यान, रणवीर आणि दीपिका (Deepika Padukone) त्यांच्या दुसऱ्या अपत्याच्या स्वागताची तयारी करत आहेत. २०१८ मध्ये विवाहबद्ध झालेल्या या जोडप्याला सप्टेंबर २०२४ मध्ये कन्यारत्न प्राप्त झाले होते. ‘दुआ’ असे मुलीचे नाव असून, तिला त्यांनी आतापर्यंत प्रसिद्धीपासून दूर ठेवले आहे. (Movie)

यंदाच्या एप्रिलमध्ये दोघांनी सोशल मीडियावर दुसऱ्या बाळाची अपेक्षा असल्याची घोषणा केली होती. दीपिका सध्या गरोदरपणाच्या तिसऱ्या तिमाहीत असून, बाळाच्या जन्मावेळी कुटुंबासोबत वेळ घालवण्यासाठी रणवीर काही काळ चित्रपटांपासून दूर राहणार असल्याचे वृत्त आहे. मात्र, याबाबत अद्याप अधिकृत घोषणा करण्यात आलेली नाही.