नॉटिंगहॅम : गौतम गंभीर (Gautam Gambhir) यांच्या मार्गदर्शनाखाली खेळणाऱ्या भारतीय संघाला (Team India) इंग्लंडविरुद्धच्या (England) तिसऱ्या T20I सामन्यात मोठा धक्का बसला. ट्रेंट ब्रिज (Trent Bridge), नॉटिंगहॅम (Nottingham) येथे झालेल्या या सामन्यात इंग्लंडने भारताचा तब्बल १२५ धावांनी पराभव करत मालिकेत (Series) २-० अशी आघाडी घेतली.

हा पराभव भारताच्या T20I इतिहासातील धावांच्या फरकाने झालेला सर्वात मोठा पराभव ठरला. यापूर्वी २०१९ मध्ये न्यूझीलंडविरुद्ध (New Zealand) भारताला ८० धावांनी पराभव स्वीकारावा लागला होता. आता तो विक्रम मोडला गेला आहे.

https://prahaar.in/2026/07/08/the-financial-giants-of-sports-fifa-icc-or-bcci-find-out-who-the-king-of-earnings-is/

प्रथम फलंदाजी (Batting) करताना इंग्लंडने निर्धारित २० षटकांत (Overs) ७ बाद २०१ धावा उभारल्या. सलामीवीर फिल सॉल्ट (Phil Salt) याने ४४ चेंडूत (Balls) ७० धावांची दमदार खेळी करत भारतासमोर २०२ धावांचे आव्हान (Target) ठेवले.

या आव्हानाचा पाठलाग (Run Chase) करताना भारतीय फलंदाजी पूर्णपणे कोलमडली. वैभव सूर्यवंशी (Vaibhav Sooryavanshi) आणि इशान किशन (Ishan Kishan) यांनी संयुक्तरीत्या सर्वाधिक १३ धावा केल्या. इंग्लंडच्या गोलंदाजांनी (Bowlers) अचूक मारा करत भारताचा संपूर्ण संघ अवघ्या ७६ धावांत गुंडाळला.

या पराभवासह भारताला सलग पाच T20I सामन्यांमध्ये विजय मिळवण्यात अपयश आले आहे. भारतीय संघाच्या फलंदाजीबाबत तसेच संघाच्या कामगिरीबाबत आता गंभीर प्रश्न उपस्थित केले जात आहेत.