झियारत : पाकिस्तानच्या (Pakistan) नैऋत्येकडील भागात बलुचिस्तान (Balochistan) प्रांताच्या झियारत जिल्ह्यात (Ziarat district) पोलिसांवर हल्ला झाला. या हल्ल्यात नऊ पोलिसांचा मृत्यू झाला. हल्लेखोरांनी आठ पोलिसांचे अपहरण केले. काही काळानंतर हल्लेखोरांनी या पोलिसांना सोडून दिले.

https://prahaar.in/2026/07/07/explosion-in-damascus-during-french-president-macrons-visit-to-syria-security-concerns-rise/

हल्ल्यात ठार झालेल्या पोलिसांमध्ये दोन एसएचओ अर्थात Station House Officer (SHO) होते. काही पोलीस जखमी झाले. जखमी पोलिसांना रुग्णालयात दाखल करण्यात आले आहे. पोलिसांवर झालेला हल्ला हा अतिरेकी हल्ला असल्याचे सरकारी यंत्रणेने सांगितले. बलुचिस्तान प्रांतात बंडखोरांचे सुरक्षा यंत्रणेवरील हल्ले वाढले आहेत. यामुळे प्रांतात तणावाचे वातावरण आहे. सुरक्षा यंत्रणेला ‘हाय अलर्ट’ (High Alert) देण्यात आला आहे.

https://prahaar.in/2026/07/07/2000-year-old-indian-gold-rings/

पोलिसांवरील हल्ल्यानंतर सुरक्षा यंत्रणेने तातडीने मोठी मोहीम हाती घेतली. या मोहिमेत १५ अतिरेकी ठार झाल्याचे सरकारी प्रवक्ते शाहिद रिंद यांनी सांगितले. ठार झालेले सर्व अतिरेकी फितना अल खवारीज (Fitna al-Khawarij) अर्थात पाकिस्तान सरकारने बंदी घातलेल्या मूळच्या तहरिक ए तालिबान पाकिस्तान (Tehreek-e-Taliban Pakistan / TTP) या संघटनेचे सदस्य होते, अशी माहिती शाहिद रिंद यांनी दिली. गुप्तचर यंत्रणेने दिलेल्या माहितीआधारे अतिरेक्यांच्या विरोधातील कारवाई सुरू राहील, असे सरकारी प्रवक्ते शाहिद रिंद म्हणाले.

https://prahaar.in/2026/07/05/indian-navy-makes-a-strong-presence-at-the-us-independence-day-celebrations-ins-sudarshini-emerges-as-a-key-attraction/

झियारत जिल्ह्यात पोलिसांवर झालेल्या हल्ल्यामागे बलुच लिबरेशन आर्मी असल्याचा संशय आधी व्यक्त होत होता. बलुच लिबरेशन आर्मीनेच जिवानी या किनारपट्टीच्या शहरातील सुरक्षा चौकीवरील आत्मघाती हल्ल्याची जबाबदारी स्वीकारली होती. पण झियारत जिल्ह्यात पोलिसांवर झालेल्या हल्ल्याची जबाबदारी अद्याप कोणत्याही अतिरेकी संघटनेने घेतलेली नाही.