Nashik Rain News : जूनमध्ये नाशिककडे पाठ फिरवलेल्या पावसाने गेल्या काही दिवसांपासून शहरात आणि जिल्ह्यात हजेरी लावली आहे. शहरात २४ तासांपासून मुसळधार पाऊस सुरु आहे. सोमवारी मुख्यमंत्री देवेंद्र फडणवीस आणि नाशिकचे जिल्हाधिकारी आयुष प्रसाद यांनी ढगसदृश्य पावसाची शक्यता नाशिकमध्ये वर्तवली होती. मात्र आता नाशिककरांसाठी मोठी दिलासादायक बातमी समोर आली आहे.

https://prahaar.in/2026/07/07/40-km-h-speed-limit-imposed-on-the-navale-bridge-route-in-pune-rto-test-schedule-also-revised-due-to-the-palkhi-procession/

ढगफुटीसदृश पावसाचं संकट तूर्तास टळलं

नाशिक आणि त्र्यंबकेश्वर (Trimbakeshwar) परिसरावर घोंगावणारे ढगफुटीसदृश (Cloudburst) पावसाचे मोठे संकट तूर्तास टळले आहे. नाशिक तसेच त्र्यंबकेश्वर परिसरात पावसाचा हाय अलर्ट (High alert) जारी करण्यात आला होता. मंगळवारी पहाटेपर्यंत नाशिकमध्ये मुसळधार पाऊस कोसळला आहे. मंगळवारी सकाळी पावसाने नाशिक शहर परिसरात काही काळ विश्रांती घेतली असली तरी त्र्यंबकेश्वर,आणि इगतपुरी या परिसरात सध्या प्रचंड पाऊस पडत आहे.

https://prahaar.in/2026/07/07/new-twist-in-the-ketan-agarwal-murder-case-did-siya-and-chetan-get-married-secretly-four-months-ago/

वाऱ्याची दिशा बदलली , ढग सुरतच्या दिशेने

हवामान विभागाने पालघरमध्ये मोठ्याप्रमाणावर पावसाला कारणीभूत असणारा भोवरा (Vortex) मंगळवारी नाशिक परिसरात सरकेल, असे भाकीत वर्तवले होते. मात्र, आता भोवरा इतर दिशेने वळल्यामुळे नाशिकवरील ढगफुटीचे संकट टळण्याची शक्यता आहे. नाशिकचे जिल्हाधिकारी आयुष प्रसाद यांनी दिलेल्या माहितीनुसार, वाऱ्याच्या प्रवाहामुळे सोमवारी पालघरमध्ये तब्बल ४५० मिलिमीटर इतका मुसळधार पाऊस पडला होता. हाच भोवरा पुढे त्र्यंबकेश्वर आणि नाशिकच्या पट्ट्यात सरकण्याची दाट शक्यता निर्माण झाली होती.

मात्र, वाऱ्याची दिशा बदलल्यामुळे हे धोकादायक ढग आता नाशिक सोडून अहिल्यानगर (अहमदनगर) आणि गुजरातच्या सुरत शहराच्या दिशेने पुढे सरकले आहेत. त्यामुळे नाशिकवरील थेट ढगफुटीचा धोका आता टळला आहे. दरम्यान, नाशिक, इगतपुरी त्रंबकेश्वर भागात पावसाचा जोर कायम राहणार आहे. मुसळधार पावसाचा अंदाज कायम असल्याने नागरिकांनी विनाकारण घराबाहेर जाऊ नये, असे आवाहन प्रशासनाकडून करण्यात आले आहे.

https://prahaar.in/2026/07/07/heavy-rainfall-continues-in-maharashtra-red-alert-for-palghar-and-raigad-while-several-other-districts-are-under-orange-and-yellow-alerts/

जिल्ह्यात किती मिलीमीटर पाऊस?

इगतपुरी – २००

सुरगाणा – १४९

त्र्यंबकेश्वर – १२५

सिन्नर – ७४

पेठ – ६१

दिंडोरी – ५८

पिंपळगाव बसवंत – ५१.५

सटाणा बागलाण – ४७

निफाड – ४५.२

कळवण -४०

देवळा – ४०

येवला – १५

नांदगाव-१

धोकादायक ढग आता नाशिक सोडून अहिल्यानगर (अहमदनगर) आणि गुजरातच्या सुरत शहराच्या दिशेने पुढे सरकले असले तरी नाशिकमध्ये जोरदार पावसाची बॅटिंग सुरूच आहे , त्यामुळे नागरिकांनी आवश्यक ती खबरदारी घेत अत्यावश्यक असेल तरच घराबाहेर पडावे असे आवाहन प्रशासनाडून करण्यात येत आहे.