नवी दिल्ली : संरक्षण मंत्री राजनाथ सिंह यांच्या अध्यक्षतेखाली 03 जुलै 2026 रोजी झालेल्या संरक्षण अधिग्रहण परिषदेने (DAC) संरक्षण दलांच्या विविध खरेदी प्रस्तावांसाठी सुमारे 52,000 कोटी रुपयांच्या ‘आवश्यकतेच्या मंजुरीला’ (AoN) म्हणजेच तत्वतः प्रशासकीय मंजुरी दिली आहे.
भारतीय लष्करासाठी, अँटी-अनमॅन्ड एरियल व्हेईकल (UAV) इलेक्ट्रॉनिक वॉरफेअर सिस्टम ‘आकाश तरंग’, मॅन पोर्टेबल अँटी-टँक गाइडेड मिसाइल (MPATGM) सिस्टम, मीडियम रेंज सर्फेस-टू-एअर मिसाइल (MRSAM) वेपन सिस्टम, व्हेरी शॉर्ट रेंज एअर डिफेन्स सिस्टम (V-SHORADS), रणगाड्यांसाठी ॲक्टिव्ह प्रोटेक्शन सिस्टम आणि जेट-आधारित कामिकाझे ड्रोन सिस्टमच्या खरेदीला मंजुरी देण्यात आली आहे.
https://prahaar.in/2026/07/03/suspension-of-the-indus-water-treaty-with-pakistan-for-aiding-and-abetting-terrorism/
‘आकाश तरंग’ लष्कराच्या तुकड्यांना ड्रोनविरोधी (anti-UAV) प्रभावी संरक्षण प्रदान करेल. मॅन पोर्टेबल अँटी-टँक गाइडेड मिसाइल (MPATGM) शत्रूच्या यांत्रिक आव्हानांचा सामना करण्यासाठी पायदळाची (Infantry) क्षमता अधिक मजबूत करेल. तर मीडियम रेंज सर्फेस-टू-एअर मिसाइल (MRSAM) यंत्रणा विविध प्रकारच्या हवाई धोक्यांपासून मध्यम पल्ल्याचे हवाई संरक्षण प्रदान करते.
मल्टी-स्पेक्ट्रल सेन्सिंग असलेले व्ही-शोराड्स यंत्रणा भारतीय लष्कराची प्रत्युत्तर देणाऱ्या-उपायांची लवचिकता आणि परिणामकारकता वाढवेल. ॲक्टिव्ह प्रोटेक्शन सिस्टम रणगाड्यांची संरक्षण प्रणाली सुधारण्यास आणि त्यांची रणांगणावरील टिकून राहण्याची क्षमता वाढवण्यासाठी उपयुक्त असेल. तर जेट-आधारित कामिकाझे ड्रोन अधिक संहारकक्षम आणि सुरक्षेसह उत्तम इलेक्ट्रॉनिक वॉरफेअर क्षमता वृद्धिंगत करणारे आहेत. त्याच प्रकारे ते किफायतशीरही आहेत.
https://prahaar.in/2026/07/03/five-people-have-died-so-far-in-the-heavy-rains-citizens-safety-is-a-serious-concern/
भारतीय नौदलासाठी, मल्टी इन्फ्लुएन्स ग्राउंड माइन(MIGM), नेव्हल शिपबॉर्न अनमॅन्ड एरियल सिस्टम ची खरेदी आणि इलेक्ट्रिक प्रोपल्शन सिस्टमसाठी लँड बेस्ड टेस्टिंग फॅसिलिटी उभारण्यास मंजुरी देण्यात आली आहे.
MIGM शत्रूच्या हालचालींवर मर्यादा आणेल. प्रगत सेन्सर्सनी सुसज्ज असलेली NSUAS यंत्रणा भारतीय नौदलाच्या सभोवतालच्या परिस्थितीबाबतच्या दक्षतेत वाढ करेल. तर LBTF यंत्रणा भारतीय नौदलाच्या जहाजांसाठी लागणाऱ्या मोटर्स आणि संबंधित प्रोपल्शन यंत्रणांच्या चाचणीची आवश्यकता पूर्ण करेल.
भारतीय हवाई दलासाठी, फिक्स्ड-विंग बेस्ड हाय अल्टिट्यूड सुडो सॅटेलाइट (FW-HAPS) आणि इतर प्रस्तावांच्या खरेदीला मंजुरी देण्यात आली आहे. FW-HAPS ही यंत्रणा भारतीय हवाई दलासाठी सातत्यपूर्ण गोपनीय माहिती गोळा करणे, पाळत ठेवणे आणि शोध घेणे, दूरसंचार तसेच रिमोट सेन्सिंगची कामे करेल.