नाशिक : सोशल मीडियावर ओळख झाल्यावर प्रेमसंबंध प्रस्थापित केले. नंतर लग्नाचं आमिष दाखवत सतत १८ वर्षीय तरुणीवर लैंगिक अत्याचार केले. हा धक्कादायक प्रकार नाशिकमधील पिंपळगाव खांब परिसरात घडला आहे.

स्नॅपचॅटवरील ओळख…

नाशिकरोड परिसरातील पिंपळगाव खांब (वडनेर रोड) भागात राहणाऱ्या एका 18 वर्षीय विद्यार्थिनीची ‘स्नॅपचॅट’ (Snapchat App) या सोशल मीडिया ॲपद्वारे स्वरूप अमोल संधान(Swaroop Amol Sandhan) याच्याशी ओळख झाली होती. या ओळखीचा गैरफायदा घेत त्याने तरुणीशी जवळीक साधली, प्रेमसंबंध निर्माण केले आणि तिला लग्नाचे खोटे आश्वासन दिले. स्वरुपने पीडितेचे लैंगिक शोषण करून नंतर तिच्या जातीवरून छळ करत लग्नास नकार दिल्याचाही गंभीर आरोप करण्यात आला आहे.

https://prahaar.in/2026/06/28/pm-narendra-modi-prime-minister-modi-honored-with-seychelles-highest-civilian-award-conferred-the-guardian-of-the-blue-horizon-award-for-his-leadership-in-environmental-conservation/

पोलिसांनी सांगितल्या प्रमाणे

पीडित तरुणीने सांगितले की आरोपीने तिला वेगवेगळ्या ठिकाणी नेऊन तिच्या इच्छेविरुद्ध अनेकदा शारीरिक संबंध प्रस्थापित केले. पीडित तरुणी जेव्हा लग्नाचा विषय काढायची तेव्हा आरोपी तिला शिवीगाळ करायचा आणि मारायचा. तू खालच्या जातीची आहेस तुझी लायकी आहे का माझ्याशी लग्न करायची ? या शब्दात तो बोलायचा. त्याची आणि माझी ओळख ६ महिन्यांपासून आहे. सुरुवातीला त्याचं वागणं खूप चांगलं होत पण आमच्यात जेव्हा शारीरिक संबंध प्रस्थापित झाले त्या नंतर त्याची वागणूक बदलली, असंही ती म्हणाली.

https://prahaar.in/2026/06/28/5-iconic-balls-in-football-history/

आरोपी अद्याप फरार

पीडित आरोपीला आपली फसवणूक आणि मानसिक तसेच शारीरिक छळ झाल्याचे लक्षात आल्यानंतर तिने उपनगर पोलीस ठाण्यात धाव घेत तक्रार दाखल केली. पीडितेचे वय विचारात घेऊन पोलिसांनी या प्रकरणात पोक्सो कायद्याअंतर्गत गुन्हा दाखल केला. या प्रकरणाचा पुढील तपाससुरु आहे मात्र आरोपी अद्याप फरार असून पोलीस त्याचा कसून शोध घेत आहेत.