पुणे: केंद्रीय सहकार आणि नागरी हवाई वाहतूक राज्यमंत्री मुरलीधर मोहोळ (Murlidhar Mohol) यांचे वडील किसनराव दगडोबा मोहोळ यांचे निधन झाले आहे. वयाच्या  ८६ व्या वर्षी त्यांनी अखेरचा श्वास घेतला. त्यांच्या निधनाची बातमी समोर येताच पुणे शहरासह विविध क्षेत्रांत हळहळ व्यक्त करण्यात येत आहे.

https://prahaar.in/2026/06/19/deputy-chief-minister-eknath-shindes-political-strength-set-to-increase-number-of-shiv-sena-mps-to-rise-from-7-to-13/

किसनराव मोहोळ हे सामाजिक, क्रीडा आणि सहकार क्षेत्राशी जवळून जोडलेले व्यक्तिमत्त्व होते. त्यांनी आयुष्यभर विविध क्षेत्रांत काम करत आपली वेगळी ओळख निर्माण केली होती. कुस्ती या पारंपरिक खेळाची त्यांना विशेष आवड होती. पैलवान म्हणून त्यांनी अनेक स्पर्धांमध्ये सहभाग घेतला होता. क्रीडाप्रेमी म्हणूनही त्यांचा परिसरात मोठा सन्मान होता.

व्यावसायिक आयुष्यात त्यांनी पुणे जिल्हा मध्यवर्ती सहकारी बँकेत जवळपास ४० वर्षे सेवा बजावली. सहकार क्षेत्रातील त्यांच्या योगदानामुळे अनेक सहकाऱ्यांमध्ये त्यांचा आदर होता. साधी राहणी, लोकांशी जिव्हाळ्याचे संबंध आणि समाजकार्यातील सहभाग यामुळे ते अनेकांच्या परिचयाचे होते. (Murlidhar Mohol Father passes away)

https://prahaar.in/2026/06/18/land-sanctioned-for-the-new-industrial-and-labour-court-building-in-chhatrapati-sambhajinagar/

किसनराव मोहोळ यांच्या निधनामुळे मोहोळ कुटुंबावर दुःखाचा डोंगर कोसळला आहे. त्यांच्या पश्चात कुटुंबीय, नातेवाईक आणि मोठा मित्रपरिवार असा परिवार आहे. विविध क्षेत्रातील मान्यवरांकडून त्यांना श्रद्धांजली अर्पण केली जात आहे. किसनराव मोहोळ यांच्या निधनामुळे सहकार, क्रीडा आणि सामाजिक क्षेत्रातील एक ज्येष्ठ व्यक्तिमत्त्व काळाच्या पडद्याआड गेले असल्याची भावना व्यक्त केली जात आहे.