पुणे : पुणे विमानतळ (Pune Airport) परिसरातील वाढती वाहतूक कोंडी (Traffic) कमी करण्यासाठी विमानतळ प्रशासनाने महत्त्वाचा निर्णय घेतला आहे. प्रवाशांना सोडण्यासाठी किंवा घेण्यासाठी येणाऱ्या खासगी चारचाकी वाहनांमुळे टर्मिनल परिसरात होणारी गर्दी लक्षात घेऊन आता १५ मिनिटांपेक्षा अधिक वेळ वाहन उभे ठेवल्यास ५०० रुपयांचा दंड आकारण्यात येणार आहे.

https://prahaar.in/2026/06/15/sanjay-raut-should-launch-operation-vulture-not-operation-tiger-navnath-bans-scathing-attack/

यासंदर्भातील प्रस्ताव विमानतळ प्रशासनाने दिल्ली येथील मुख्यालयाकडे पाठवला होता. प्रस्तावाला मंजुरी मिळाल्यानंतर लवकरच या नियमाची अंमलबजावणी करण्यात येणार आहे.

सध्या पुणे विमानतळावर दररोज हजारो प्रवाशांची ये-जा होत असते. अनेक नागरिक आपल्या नातेवाईकांना सोडण्यासाठी किंवा घेण्यासाठी खासगी वाहनांनी विमानतळावर येतात. मात्र, अनेकदा प्रवाशांची वाट पाहत वाहनचालक टर्मिनलसमोर बराच वेळ वाहन उभे ठेवतात. त्यामुळे वाहनांच्या लांबच लांब रांगा लागून वाहतूक कोंडी निर्माण होते.

या कोंडीचा फटका विमान पकडण्यासाठी येणाऱ्या प्रवाशांनाही बसतो. वेळेत टर्मिनलपर्यंत पोहोचण्यात अडचणी निर्माण होतात. तसेच विमानतळ परिसरातील इतर वाहनांच्या हालचालींवरही त्याचा परिणाम होतो.

https://prahaar.in/2026/06/15/an-example-of-honesty-amidst-discussions-about-the-high-handedness-of-rickshaw-drivers/

विमानतळ प्रशासनाच्या माहितीनुसार, वाहनांच्या प्रवेश आणि निर्गमन वेळेची नोंद ठेवण्यासाठी विशेष यंत्रणा कार्यान्वित केली जाणार आहे. त्याद्वारे १५ मिनिटांपेक्षा जास्त वेळ थांबणाऱ्या वाहनांवर ५०० रुपयांचा दंड आकारला जाईल.

या निर्णयामुळे विमानतळ परिसरातील अनावश्यक गर्दी कमी होऊन वाहतूक व्यवस्थापन अधिक प्रभावी होईल. तसेच प्रवाशांना वेळेत विमानतळावर पोहोचणे अधिक सुलभ होईल, अशी अपेक्षा प्रशासनाने व्यक्त केली आहे.