गृह राज्यमंत्री पंकज भोयर; गृह विभागाकडून सायबर पोलिसांना आदेश जारी

मुंबई : अश्लील आणि विकृत विनोदांमुळे वादाच्या भोवऱ्यात सापडलेला स्टँडअप कॉमेडियन प्रणित मोरे याच्या अडचणीत आणखी वाढ झाली आहे. त्याच्या कार्यक्रमातील आक्षेपार्ह विधानांचे व्हिडिओ सोशल मीडियावर व्हायरल झाल्यानंतर निर्माण झालेल्या तीव्र संतापाची दखल गृह विभागाने घेतली आहे. “प्रणित मोरे याने यूट्यूब व इतर सोशल मीडिया प्लॅटफॉर्मवर अपलोड केलेल्या आजवरच्या सर्वच व्हिडिओ कंटेन्टची सायबर पोलिसांमार्फत सखोल चौकशी केली जाईल,” अशी माहिती गृहराज्यमंत्री पंकज भोयर यांनी दिली. समाजात अशा प्रकारचा विकृत विनोद कोणाकडूनही खपवून घेतला जाणार नाही, असा इशाराही त्यांनी दिला.

https://prahaar.in/2026/06/13/administration-cracks-down-heavily-on-maha-e-seva-kendra-operators/

प्रणित मोरेच्या शोमधील काही व्हिडिओ अलीकडेच मोठ्या प्रमाणावर व्हायरल झाले होते. यातील एका व्हिडिओमध्ये केईएम रुग्णालयातील एका महिला डॉक्टरने मृतदेहाच्या गुप्तांगाविषयी अत्यंत बीभत्स विधान केले होते. तर दुसऱ्या एका व्हिडिओमध्ये एका मुलाने सांगितलेला बिर्याणीचा किस्साही अत्यंत अश्लील होता. या प्रकारावर बोलताना गृहराज्यमंत्री पंकज भोयर म्हणाले, “आपला देह मृत्यूनंतर समाजाच्या उपयोगी पडावा, या उदात्त हेतूने लोक देहदान करतात. अशा पवित्र भावनेचा अनादर करून मृतदेहाबद्दल अशी चुकीची आणि विकृत विधाने करणे अत्यंत निंदनीय आहे. केवळ हे दोनच व्हिडिओ नव्हे, तर यापूर्वी प्रणित मोरेच्या शोमधून जे काही आक्षेपार्ह व्हिडिओ समोर आले आहेत, त्या सर्वांचीच सायबर सेल सखोल चौकशी करेल. या प्रकरणी संबंधित महिला डॉक्टरवरही कठोर कायदेशीर कारवाईची प्रक्रिया सुरू आहे”, असेही त्यांनी स्पष्ट केले.

https://prahaar.in/2026/06/13/pakistan-will-not-get-even-a-single-drop-of-water-defence-minister-rajnath-singhs-stern-warning-regarding-the-indus-waters-treaty/

महिला आयोगाची नोटीस
सातत्यपूर्ण अश्लील आणि विकृत संवादामुळे प्रणित मोरेचे शो नेहमीच वादाच्या भोवऱ्यात राहिले आहेत. मात्र, यावेळी हा वाद मृतदेहांच्या विटंबनेपर्यंत आणि अश्लीलतेच्या मर्यादा ओलांडणारा ठरल्याने नेटकऱ्यांनी आणि विविध सामाजिक संघटनांनी या शोवर संपूर्ण बंदी घालण्याची मागणी लावून धरली आहे. दरम्यान, या गंभीर प्रकरणाची दखल राज्य महिला आयोगानेही घेतली असून त्यांनी प्रणित मोरेला नोटीस बजावली आहे.

महिला आयोग आणि सायबर पोलीस एकाच वेळी या प्रकरणाचा समांतर तपास करत आहेत. चौकशीअंती या विकृत मानसिकतेवर कायद्याचा बडगा उगारून योग्य ती फौजदारी कारवाई निश्चितपणे केली जाईल.