नवी दिल्ली : दिल्लीत इंदिरा गांधी आंतराष्ट्रीय विमातळावर रविवारी संध्याकाळी ४:३० च्या दरम्यान अचानक जोरात वादळी वारे वाहू लागले. या वाऱ्यामुळे विमानांजवळ ठेवलेली शिडी (जिने / ग्राउंड हँडलिंग उपकरण) आपल्या जागेवरून सरकली आणि थेट एअर इंडियाच्या तीन लहान विमानांना धडकली. या धडकेमुळे तिन्ही विमानांचे नुकसान झाले. विमानतळावरील या घटनेनंतर एअर इंडियाने तिन्ही लहान विमानांची उड्डाणं रद्द केली आहेत. दुरुस्तीसाठी आणि तपासणीसाठी तिन्ही विमाने सेवेतून काढून घेण्यात आली आहेत.

https://prahaar.in/2026/06/08/india-expands-nuclear-arsenal-to-190-warheads-advances-long-range-missile-systems-targeting-china-pakistan-amid-rising-regional-tensions-sipri-report/

वादळी वाऱ्यांबाबत पूर्वसूचना देण्यात आली नव्हती. यामुळे ग्राउंड स्टाफने वादळी वाऱ्यांना सामोरे जाण्यासाठी तयारी केली नव्हती. वादळ आले त्यावेळी विमानांजवळ ठेवलेली शिडी (जिने / ग्राउंड हँडलिंग उपकरण) आपल्या जागेवरून सरकली आणि थेट एअर इंडियाच्या तीन लहान विमानांना धडकली, अशी माहिती दिल्ली इंटरनॅशनल एअरपोर्ट लिमिटेड या संस्थेने दिली आहे. विमानांना धडकलेली शिडी ही एअर इंडिया इंजिनिअरिंग सर्व्हिसेस आणि इंडिगोच्या ग्राउंड हँडलिंग ऑपरेशन्सची होती. यामुळे विमान वाहतुकीवर परिणाम झाला. या प्रकरणी नियमानुसार चौकशी सुरू असल्याचेही दिल्ली इंटरनॅशनल एअरपोर्ट लिमिटेड या संस्थेने सांगितले.

https://prahaar.in/2026/06/08/mumbai-shocking-footage-reveals-how-the-fatal-best-bus-crash-near-dadars-plaza-cinema-unfolded-watch/

एअर इंडियाच्या बाधित झालेल्या तीन विमानांपैकी दोन लवकरच सेवेत परत येण्याची शक्यता आहे, तर तिसऱ्या विमानाच्या दुरुस्तीला अधिक वेळ लागू शकतो.

भारतीय हवामान विभागाने दिल्लीला मेघगर्जनेसह पावसासाठी तयार राहण्याचा सल्ला दिला आहे, कारण पुढील काही दिवस हवामान अस्थिर राहण्याची शक्यता आहे.११ जूनपर्यंत मुंबई आणि ठाण्यात हलक्या ते मध्यम स्वरुपाच्या मेघगर्जनेसह पावसाचा अंदाज वर्तवला आहे, तसेच महाराष्ट्राच्या काही भागांत सोसाट्याचा वारा आणि विजांच्या कडकडाटाची शक्यता वर्तवली आहे.