तिरुवनंतपुरम : केरळच्या राजधानीत आज अत्यंत तणावाचे आणि हिंसक वातावरण पाहायला मिळाले. कोचीन मिनरल्स अँड रुटाईल लिमिटेड (CMRL) मनी लाँड्रिंग प्रकरणात अंमलबजावणी संचालनालयाने (ED) धडक कारवाई सुरू केली आहे. या कारवाईचा निषेध करण्यासाठी रस्त्यावर उतरलेल्या मार्क्सवादी कम्युनिस्ट पक्षाच्या (CPI-M) कार्यकर्त्यांनी थेट ED अधिकाऱ्यांच्या गाड्यांवर हल्ला चढवला. या आंदोलनाला हिंसक वळण लागल्याने संपूर्ण परिसरात एकच खळबळ उडाली आहे.
अधिकाऱ्यांच्या गाडीची तोडफोड
#WATCH | Keralam: Commotion outside the residence of former Chief Minister and present LoP Pinarayi Vijayan in Thiruvananthapuram, as CPI(M) workers attacked a vehicle of ED officials.
The workers are protesting against the central agency over its searches at 10 premises in… pic.twitter.com/fx7Y4xutLB
— ANI (@ANI) May 27, 2026
या घटनेचा एक थरारक व्हिडिओ सध्या सोशल मीडियावर तुफान व्हायरल होत आहे. या व्हिडिओमध्ये दिसत आहे की, शेकडो संतप्त आंदोलकांनी ED अधिकाऱ्यांच्या पांढऱ्या रंगाच्या शासकीय गाडीला चहूबाजूंनी घेरले आहे. आंदोलक इतके आक्रमक झाले होते की, त्यांनी हातातील दगड, विटा आणि रिकाम्या हातांनी गाडीच्या काचा फोडल्या. काही कार्यकर्ते गाडीवर चढून भाजप, आरएसएस आणि काँग्रेस नेते व्ही. डी. सतीशन (V.D. Satheesan) यांच्याविरोधात घोषणाबाजी करत होते. पोलिसांनी गर्दीवर नियंत्रण ठेवण्याचा प्रयत्न केला, पण आंदोलकांचा रोष इतका होता की त्यांनी गाडीची प्रचंड तोडफोड केली.
https://prahaar.in/2026/05/27/former-asian-games-shooting-gold-medalist-randhir-singh-passes-away/
गर्दी पांगवताना पोलीस अधिकारी जखमी
VIDEO | Kannur, Kerala: CPI(M) workers raise slogans against RSS, BJP, and VD Satheesan outside Pinarayi Vijayan’s residence as ED raids continue in connection with CMRL money laundering case
(Full video available on PTI Videos – https://t.co/n147TvrpG7) pic.twitter.com/XyCPYTRxIW
— Press Trust of India (@PTI_News) May 27, 2026
माजी मुख्यमंत्री आणि सध्याचे विरोधी पक्षनेते पिनाराई विजयन यांच्या निवासस्थानाबाहेर हा सगळा गोंधळ सुरू होता. परिस्थिती हाताबाहेर जात असल्याचे पाहून दंगल नियंत्रण पथक (Riot Police) आणि अतिरिक्त पोलीस बंदोबस्त तैनात करण्यात आला होता. आंदोलकांना रोखण्याचा प्रयत्न करत असताना कमीत कमी एक पोलीस कर्मचारी गंभीर जखमी झाल्याची माहिती समोर आली आहे. घटनास्थळी प्रसारमाध्यमांचे प्रतिनिधी आणि स्थानिक नागरिकांची मोठी गर्दी जमली असून अद्यापही तिथे तणावपूर्ण शांतता आहे.
नक्की काय आहे CMRL-एक्झालॉजिक प्रकरण?
हा सगळा वाद मुख्यमंत्री पिनाराई विजयन यांच्या मुलीशी संबंधित आहे. ED ने केरळमधील तब्बल १० वेगवेगळ्या ठिकाणांवर एकाच वेळी छापे टाकले आहेत. कोचीन मिनरल्स अँड रुटाईल लिमिटेड (CMRL) या कंपनीने विजयन यांची मुलगी वीणा विजयन हिच्या ‘एक्झालॉजिक सोल्युशन्स’ या कंपनीला ₹१.७ कोटी ते ₹२.७ कोटी रुपये बेकायदेशीरपणे दिल्याचा संशय आहे. केंद्रीय तपास यंत्रणांच्या मते, कोणत्याही प्रकारची सेवा किंवा काम न करताच हे कोट्यवधी रुपये ट्रान्सफर करण्यात आले होते, जो मनी लाँड्रिंगचा भाग आहे. केरळ उच्च न्यायालयाने ही चौकशी रद्द करण्याची याचिका फेटाळल्यानंतर ED ने ही मोठी कारवाई केली आहे.
हा ‘राजकीय सूड उगवण्याचा’ प्रकार
दरम्यान, या कारवाईनंतर सत्ताधारी आणि विरोधकांमध्ये जोरदार युद्ध सुरू झाले आहे. डाव्या आघाडीच्या (CPI-M) नेत्यांनी केंद्र सरकारवर कडाडून टीका केली आहे. हा सर्व प्रकार केवळ विरोधी पक्षाच्या नेत्यांना बदनाम करण्यासाठी आणि राजकीय सूड उगवण्यासाठी केला जात असल्याचा आरोप त्यांनी केला आहे. विशेष म्हणजे, नुकत्याच पार पडलेल्या २०२६ च्या केरळ विधानसभा निवडणुकीत डाव्या आघाडीचा (LDF) पराभव झाला आहे आणि पिनाराई विजयन हे आता मुख्यमंत्री नसून विरोधी पक्षनेते आहेत. या पराभवाच्या धक्क्यातून पक्ष सावरत नाही तोच आता या कारवाईमुळे केरळमधील राजकीय वातावरण चांगलेच तापले आहे.