ठाणे : ठाणे आणि नवी मुंबई पोलिसांनी संयुक्तरित्या राबवलेल्या मोठ्या कोम्बिंग ऑपरेशनमध्ये खोणी-पलावा परिसरातून २४ नायजेरियन नागरिकांना ताब्यात घेतले आहे. या कारवाईमुळे पलावा सिटी परिसरात एकच खळबळ उडाली असून, या विदेशी नागरिकांचे अंमली पदार्थ तस्करीशी काही संबंध आहेत का, याचा तपास आता पोलिसांकडून सुरू करण्यात आला आहे. (24 Nigerians Arrested From Palava city)

ही मोठी कारवाई शनिवार २३ मे रोजी पहाटे ३ ते सकाळी १० वाजेदरम्यान करण्यात आली. ठाणे आणि नवी मुंबई पोलिसांच्या पथकांनी हायप्रोफाईल सोसायट्यांमध्ये एकाचवेळी छापेमारी करत विदेशी नागरिकांची कागदपत्रे, वास्तव्यासंबंधी माहिती आणि त्यांच्या हालचालींची पडताळणी केली. पोलिस उपायुक्त अतुल झेंडे यांनी याबाबत माहिती दिली. (24 Nigerians Arrested From Palava city)

https://prahaar.in/2026/05/23/cocaine-worth-rs-11-25-crore-seized-at-mumbai-airport-four-arrested-for-smuggling-drugs-hidden-inside-body/

पोलिसांच्या माहितीनुसार, ताब्यात घेण्यात आलेल्या २४ जणांमध्ये १४ पुरुष, ६ महिला आणि ४ लहान मुलांचा समावेश आहे. हे नागरिक मूळचे नायजेरियन असून त्यांचे संबंध दक्षिण आफ्रिकेतील घाना आणि युगांडा भागाशी असल्याची माहिती समोर आली आहे. चौकशीदरम्यान काही जणांकडे वैध कागदपत्रे आढळली, तर काही जणांकडे व्हिसा आणि पासपोर्ट नसल्याचे उघड झाले. (24 Nigerians Arrested From Palava city)

२४ पैकी ७ जणांकडे आवश्यक कागदपत्रे असल्याचे पोलिसांनी सांगितले. तर ८ जणांकडे व्हिसा किंवा पासपोर्ट नव्हते. उर्वरित ९ जणांविरोधात न्यायालयात विविध खटले सुरू असल्याने त्यांचे पासपोर्ट न्यायालयात जमा असल्याची माहिती समोर आली आहे. विशेष म्हणजे, ताब्यात घेतलेल्या ९ जणांवर एनडीपीएस अर्थात अंमली पदार्थ प्रतिबंधक कायद्यांतर्गत गुन्हे दाखल असल्याचे पोलिसांनी स्पष्ट केले. (24 Nigerians Arrested From Palava city)

https://prahaar.in/2026/05/23/blood-stains-in-house-16-year-old-girl-missing/

दरम्यान, या ऑपरेशनदरम्यान एक नायजेरियन महिला पोलिसांपासून बचाव करण्यासाठी इमारतीवरून उडी मारून पळण्याचा प्रयत्न करत असल्याची धक्कादायक घटना घडली. या प्रयत्नात ती जखमी झाली असून तिच्यावर रुग्णालयात उपचार सुरू आहेत. तिची माहिती घेतल्यानंतर तिच्याविरोधातही पुढील कारवाई केली जाणार असल्याचे पोलिसांनी सांगितले. (24 Nigerians Arrested From Palava city)

या छापेमारीदरम्यान नवी मुंबई पोलिसांच्या अंमली पदार्थ प्रकरणातील ‘मोस्ट वाँटेड’ नायजेरियन आरोपीलाही पकडण्यात यश आले. त्याला पुढील चौकशीसाठी नवी मुंबई पोलिसांच्या ताब्यात देण्यात आले आहे. (24 Nigerians Arrested From Palava city)

पोलिसांनी सांगितले की, पलावा परिसरात तुलनेने कमी भाड्यात घरे उपलब्ध होत असल्याने अनेक विदेशी नागरिक येथे वास्तव्यास येतात. मात्र, घरमालकांनी भाडेकरूंची माहिती पोलिसांना दिली होती का, याचीही चौकशी सुरू आहे. नियमांचे उल्लंघन करून पोलिसांना माहिती न देता विदेशी नागरिकांना घरे भाड्याने देणाऱ्या घरमालकांवर कारवाई केली जाणार आहे. तसेच अशा व्यवहारात मध्यस्थी करणाऱ्या प्रॉपर्टी एजंट्सनाही नोटिसा बजावण्याची तयारी पोलिसांनी सुरू केली आहे.

https://prahaar.in/2026/05/23/online-fraud-a-victim-of-the-lure-of-trading-agent-in-solapur-cheated-of-rs-68-lakhs/

या संपूर्ण कोम्बिंग ऑपरेशनमध्ये सहाय्यक पोलिस आयुक्त सुहास हेमाडे, मानपाडा पोलिस ठाण्याचे वरिष्ठ पोलिस निरीक्षक संदीपान शिंदे, दोन सहाय्यक आयुक्त, २५ अधिकारी आणि तब्बल ८० पोलिस कर्मचाऱ्यांचा सहभाग होता. सध्या ताब्यात घेतलेल्या सर्व विदेशी नागरिकांची सखोल चौकशी सुरू असून त्यांच्या आर्थिक व्यवहारांपासून संपर्क जाळ्यापर्यंत सर्व बाबींची तपासणी केली जात आहे. (24 Nigerians Arrested From Palava city)