सामना जिंकल्यानंतरही दुसऱ्यांच्या निकालावर अवलंबून राहवे लागेल
IPL 2026 : आयपीएल २०२६ मध्ये आज २३ मे रोजी पंजाब किंग्स विरुद्ध लखनउ सुपर जायंट्समध्ये निर्णायक लढत होणार आहे. हा सामना लखनउच्या इकाना स्टेडियम येथे खेळला जाणार आहे. आयपीएल २०२६ च्या पहिल्या हाल्फमध्ये सलग सहा सामने जिकणारी पंजाब पुढचे सहा सामने हरली आहे. त्यामुळे त्याना प्लेऑफसाठी दुसऱ्या संघावर अवलंबून राहवे लागत आहे.श्रेयस अय्यरच्या नेतृत्वात पंजाबने पहिल्या सात पैकी सहा सामने जिंकले होते ,तर संघाचा एक सामना पाऊसामुळे वाया गेला होता, पण पंजाबने सध्या सहा सामन्यात पराभव पत्कारले आहे. १३ गुणांसह संघ गुणतालिकेत पाचव्या स्थानावर आहे. दुसरीकडे लखनउ १३ पैकी फक्त चार सामने जिंकले आहेत आणि ते प्लेऑफच्या रेसमधून बाहेर झाले आहेत.
पंजाबसाठी या हंगामात प्रभसिमरने १३४ सामन्यात ४४१ धावा केल्या आहेत, तर गोलंदाजीत अर्शदिप सिंहने १३ सामन्यांत १४ विकेट्स घेतल्या आहेत. लखनउसाठी मिचेल मार्शने या हंगामात सर्वाधिक धावा केल्या आहेत. त्याने १३ सामन्यात ५६३ धावा केल्या आहेत.प्रिन्स यादवने १३ सामन्यात संघासाठी सर्वाधिक विकेट्स घेतल्या आहेत.
हेड टू हेड
आयपीएलमध्ये दोन्ही संघात आतापर्यंत सात सामने झाले आहेत. यात लखनऊने 3 आणि पंजाबने 4 सामने जिंकले आहेत. यांच्यातला एक सामना टाय राहिला होता. या हंगामात दोन्ही संघ दुसऱ्यांदा आमनेसामने येतील. पहिल्या सामन्यात पंजाबने आपल्या होमग्राऊंडवर लखनऊला हरवले होते.
कशी असेल खेळपट्टी ?
इकाना स्टेडियमच्या पिचवर फिरकी गोलंदाजांना खूप मदत मिळते आणि फलंदाजांसाठी मोठे फटके मारणे सोपे नसते. सुरुवातीच्या षटकांमध्ये वेगवान गोलंदाजांनाही मूव्हमेंट आणि स्विंग मिळते, जी फलंदाजांविरुद्ध प्रभावी ठरू शकते.या खेळपट्टीवर आतापर्यंत आयपीएलचे २८ सामने खेळले गेले आहेत. ११ वेळा प्रथम फलंदाजी करणाऱ्या संघाने विजय मिळवला आहे, तर १५ वेळा लक्ष्याचा पाठलाग करणाऱ्या संघाला विजय मिळाला आहे. एक सामना बरोबरीत सुटला आणि एकाचा निकाल लागला नाही.
संभाव्य प्लेइंग-XI
लखनऊ– मिचेल मार्श, जोश इंग्लिस, निकोलस पूरन, आयुष बडोनी, ऋषभ पंत (कर्णधार आणि यष्टिरक्षक), अब्दुल समद, शाहबाज अहमद, मोहसिन खान, मयंक यादव, आकाश सिंग, प्रिन्स यादव. इम्पॅक्ट प्लेयर: दिग्वेश सिंग राठी
पंजाब– प्रियांश आर्या, प्रभसिमरन सिंग (यष्टीरक्षक), कूपर कोनोली, श्रेयस अय्यर (कर्णधार), शशांक सिंग, सूर्यांश शेडगे, अजमतुल्लाह ओमरझाई, हरप्रीत ब्रार, झेवियर बार्टलेट, लॉकी फर्ग्युसन, अर्शदीप सिंग.इम्पॅक्ट प्लेयर: युजवेंद्र चहल