मुंबई इंडियन्सचा कर्णधार हार्दिक पांड्या पुन्हा एकदा चर्चेत आला आहे. आयपीएल २०२६ मध्ये त्याच्या नेतृत्वाखाली मुंबई इंडियन्सची कामगिरी अपेक्षेप्रमाणे झाली नाही आणि संघ प्लेऑफच्या शर्यतीतून बाहेर पडला आहे. त्यातच दुखापतीमुळे हार्दिक मागील दोन सामन्यांत खेळला नाही. आता हार्दिकच्या वैयक्तिक आयुष्याबाबत सोशल मीडियात चर्चा सुरू झाली आहे.

दुसऱ्या लग्नाची चर्चा का सुरू झाली?

सोशल मीडियावर व्हायरल होत असलेल्या काही पोस्टनुसार, हार्दिक पांड्या २२ मे रोजी उदयपूरमध्ये मॉडेल आणि इन्फ्लुएंसर माहिका शर्मा हिच्यासोबत लग्न करणार आहे. गेल्या काही महिन्यांपासून हार्दिक आणि माहिका रिलेशनशिपमध्ये असल्याच्या चर्चा सुरू आहेत. माहिका अनेकदा भारताच्या तसेच मुंबई इंडियन्सच्या सामन्यांदरम्यान स्टेडियममध्ये दिसली आहे. यावरून चर्चा होत असतानाच हार्दिकने माहिकीशी लग्नाची तयारी सुरू केल्याचे वृत्त आहे.

https://prahaar.in/2026/05/17/rcb-vs-pbks-do-or-die-situation-in-front-of-punjab-with-five-consecutive-defeats-punjab-vs-rcb-in-dharamsala/

लग्नाच्या बातम्यांमध्ये किती सत्य आहे ?

अद्याप अधिकृत माहिती समोर आलेली नाही. हार्दिक पांड्या किंवा माहिका शर्मा यांच्याकडून लग्नाबाबत कोणतीही घोषणा करण्यात आलेली नाही. मात्र सोशल मीडियावर जोरदार चर्चा होत आहे. दरम्यान मुंबई इंडियन्सला आयपीएलमध्ये अजून दोन सामने खेळायचे आहेत. त्यातील एक सामना केकेआरविरुद्ध २० मे रोजी ईडन गार्डन्स येथे होणार आहे. या सामन्यात हार्दिक पांड्या खेळण्याची शक्यता मानली जात आहे.

नताशासोबतचं नातं तुटलं

हार्दिक पांड्याने ३१ मे २०२० रोजी अभिनेत्री आणि मॉडेल Natasa Stankovic हिच्यासोबत कोर्ट मॅरेज केले होते. नंतर २०२३ मध्ये उदयपूरमध्ये पारंपरिक पद्धतीने दोघांनी पुन्हा विवाह केला होता. या दोघांना आता अगस्त्य नावाचा मुलगा आहे. मात्र लग्नाच्या जवळपास चार वर्षांनंतर जुलै २०२४ मध्ये हार्दिक आणि नताशाने वेगळे होण्याचे ठरवले. अगस्त्य नताशा आणि हार्दिक दोघांसोबत आलटून पालाटून वास्तव्यास आहे. पण हार्दिक आणि माहिकाचं लग्न झालं तर अगस्त्य काय करणार ? हा प्रश्न सध्या अनुत्तरित आहे.