मुंबई : पश्चिम रेल्वेवर आज मध्यरात्रीच्या दरम्यान, दादर स्थानकात ब्लॉक असणार आहे. हा ब्लॉक इलेक्ट्रॉनिक इंटरलॉकिंगच्या कामासाठी, मध्यरात्री १:०० ते पहाटे ६ :०० (५ तास) असा असेल. ब्लॉक दरम्यान अप आणि डाऊन धीम्या मार्गिकांवरील वाहतूक बंद राहील. या लोकल गाड्या जलद मार्गावरून चालवल्या जातील. फलाट उपलब्ध नसल्यामुळे महालक्ष्मी, लोअर परळ, प्रभादेवी, माटुंगा रोड आणि माहीम स्थानकांवर लोकल थांबणार नाहीत. त्याचप्रमाणे, नायगाव स्टेशनवरील पादचारी पुलाच्या दोन स्पॅनसाठी रोड क्रेनच्या साहाय्याने गर्डर टाकण्याच्या कामासाठी, १६/१७ मे २०२६ रोजी पहाटे ०१:०० ते ०४:०० वाजेपर्यंत अप आणि डाउन स्लो लाईन्सवर आणि मध्यरात्री ०२:३० ते ०३:३० वाजेपर्यंत अप आणि डाउन फास्ट लाईन्सवर ब्लॉक पाळला जाईल.

https://prahaar.in/2026/05/15/admission-process-for-first-year-diploma-courses-after-10th-standard-begins-from-20th-may/

ब्लॉकच्या कालावधीत, मुंबई सेंट्रल आणि सांताक्रूझ स्टेशन दरम्यान सर्व फास्ट लाईन ट्रेन्स स्लो लाईन्सवर धावतील. याव्यतिरिक्त, भाईंदर आणि वसई रोड स्टेशन दरम्यान सर्व डाउन स्लो लाईन ट्रेन्स डाउन फास्ट लाईनवर धावतील. तसेच, या ब्लॉकमुळे काही उपनगरीय सेवा रद्द केल्या जातील. बाधित उपनगरीय सेवांची सविस्तर माहिती उपनगरीय विभागाच्या स्टेशन मास्तरांकडे उपलब्ध असेल. रविवार, १७ मे २०२६ रोजी पश्चिम रेल्वेच्या उपनगरीय विभागात दिवसा कोणताही ब्लॉक असणार नाही.