IPL 2026 : यंदाच्या आयपीएलमधील ५८ व्या साखळी सामन्यात अर्थात लीग मॅचमध्ये मुंबई इंडियन्सने पंजाब किंग्सचा पराभव केला. मुंबईने सामना सहा विकेट राखून जिंकला. या विजयामुळे १२ पैकी ४ सामने जिंकलेल्या मुंबईचे ८ गुण झाले. पंजाब विरुद्ध जिंकले तरी मुंबईला प्लेऑफ खेळता येणार नाही. पण पंजाबसाठी प्लेऑफमध्ये प्रवेश करणे आणखी कठीण झाले आहे. पंजाब विरूद्धच्या विजयामुळे जल्लोष करत असलेल्या मुंबईला बीसीसीआयने मोठा धक्का दिला आहे.

मुंबई इंडियन्सचे फलंदाजी प्रशिक्षक आणि दिग्गज क्रिकेटपटू कायरन पोलार्ड यांच्यावर भारतीय क्रिकेट नियामक मंडळाने अर्थात बीसीसीआयने कारवाई केली आहे. सामना सुरू असताना पंचाला शिवीगाळ केल्याप्रकरणी पोलार्डला दोषी ठरवून त्याच्या सामन्याच्या मानधनातून १५ टक्के रक्कम कापण्यात आली आहे.

https://prahaar.in/2026/05/15/csk-vs-lsg-after-punjabs-defeat-chennai-have-a-golden-opportunity-decisive-match-against-lucknow-today/

नेमकं प्रकरण काय?

मुंबई आणि पंजाब यांच्यातील सामन्यात पोलार्ड यांनी चौथ्या पंचाशी वाद घालताना शिवीगाळ केल्याचा आरोप आहे. ही घटना मुंबईच्या फलंदाजीदरम्यान १९व्या षटकात घडली. चौथ्या पंचाशी वाद घालताना पोलार्ड यांनी अपशब्द वापरल्याचे समोर आले आहे.सामन्यानंतर झालेल्या सुनावणीत पोलार्ड यांनी आपली चूक मान्य करत दंड स्वीकारला. पोलार्ड सध्या मुंबई संघाचे मुख्य फलंदाजी प्रशिक्षक म्हणून कार्यरत आहेत. या घटनेमुळे त्यांच्या खात्यात एक शिस्तभंग गुण (डीमेरिट पॉइंट) नोंदवला गेला आहे. चार किंवा त्यापेक्षा जास्त शिस्तभंग गुण (डीमेरिट पॉइंट) जमा झाल्यास खेळाडू किंवा प्रशिक्षकावर काही सामन्यांची बंदीही घातली जाऊ शकते. प्रशिक्षक झाल्यानंतर ही त्यांची पहिलीच चूक आहे.