भुसावळ : प्रवासी तसेच रेल्वे कर्मचाऱ्यांच्या आरोग्य सेवेला सर्वोच्च प्राधान्य देत रेल्वे प्रशासनाने भुसावळ विभागीय रेल्वे रुग्णालयातील सुविधा अधिक सक्षम केल्या आहेत. नुकत्याच एडीआरएम (प्रशासन) यांनी केलेल्या सविस्तर पाहणीत रुग्णालय व्यवस्थेत लक्षणीय सुधारणा झाल्याचे स्पष्टपणे दिसून आले.

https://prahaar.in/2026/05/13/pune-neet-paper-leak-case-woman-beauty-parlor-connection-arrest/

पूर्वी प्राप्त झालेल्या तक्रारींवर तात्काळ कार्यवाही करत रुग्णालय परिसरात स्वच्छतेवर विशेष भर देण्यात आला आहे. रुग्णालयातील सर्व वॉर्ड आणि कॉरिडॉरमध्ये नियमित स्वच्छता व सॅनिटायझेशन सुनिश्चित करण्यात आले असून परिसरात भटक्या जनावरांच्या प्रवेशावर कठोर निर्बंध घालण्यात आले आहेत. त्यामुळे रुग्णांसाठी अधिक सुरक्षित वातावरण निर्माण झाले आहे. तसेच स्वच्छतागृहे आणि सार्वजनिक क्षेत्रांची स्वच्छताही समाधानकारक आढळून आली.

पाहणीदरम्यान एडीआरएम यांनी विविध वॉर्डना भेट देऊन रुग्ण तसेच त्यांच्या नातेवाईकांशी थेट संवाद साधला. यावेळी रुग्णांनी डॉक्टर आणि पॅरामेडिकल कर्मचाऱ्यांकडून वेळेवर सेवा मिळत असल्याचे सांगितले. कर्मचारीवर्गाच्या वर्तनात सकारात्मक बदल दिसून येत असून त्यांच्या सेवाभावी वृत्तीचेही रुग्णांनी कौतुक केले. नुकतेच सुरू करण्यात आलेले ‘रुद्र – हॉस्पिटल ऑन व्हील्स’ तसेच नवीन मॉड्युलर ऑपरेशन थिएटरमुळे दुर्गम भागातील रेल्वे कर्मचाऱ्यांना मोठा दिलासा मिळत असल्याचेही यावेळी सांगण्यात आले.

https://prahaar.in/2026/05/13/big-black-market-of-urea-in-nashik-division/

पाहणीच्या शेवटी अधिकाऱ्यांनी सेवांच्या गुणवत्तेत सातत्य राखण्याचे निर्देश दिले. तसेच ‘रेल मदद’ (RailMadad) माध्यमातून प्राप्त होणाऱ्या तक्रारी आणि सूचनांवर तातडीने कार्यवाही करून रुग्णालय प्रशासन अधिक पारदर्शक व कार्यक्षम करण्यावर भर देण्यात येणार असल्याचे स्पष्ट करण्यात आले.