मुंबई : अनुभवी थिएटर आर्टिस्ट, कुशल मेकअप आर्टिस्ट आणि ‘आयकॉन दी स्टाईल’च्या संस्थापक सदस्य म्हणून स्वतःची वेगळी ओळख निर्माण केलेल्या स्मिता पायगुडे अंजुटे आता ‘घबाडकुंड’(Ghabadkund) या चित्रपटातून एका गूढ आणि प्रभावी भूमिकेत प्रेक्षकांच्या भेटीला येणार आहेत. निर्माते रसिक कदम आणि दिग्दर्शक प्रीतम एस. के. पाटील यांच्या महत्त्वाकांक्षी संकल्पनेतून साकारत असलेला हा चित्रपट येत्या १९ जून रोजी प्रदर्शित होणार आहे.

https://prahaar.in/2026/05/12/deool-band-2-movie/

चित्रपटात स्मिता ‘रंगी’ ही व्यक्तिरेखा साकारत असून, ब्लॅक मॅजिकच्या गूढ विश्वाशी जोडलेली ही भूमिका कथानकाला एक वेगळंच वळण देताना दिसणार आहे. आपल्या तीक्ष्ण नजरेने, भयावह उपस्थितीने आणि रहस्यमयी वावराने ‘रंगी’ प्रेक्षकांच्या मनात भीती आणि उत्सुकता निर्माण करणार आहे. “नजरेत धग अन् रग हिच्या अंगी, भल्या-भल्यांना घाम फोडते… नाव हिचं रंगी…!” ही टॅगलाईन त्यांच्या व्यक्तिरेखेचा गूढ आणि दमदार स्वभाव प्रभावीपणे मांडते.

 

View this post on Instagram

 

A post shared by Vaibhavv Jyothi Vitthalrao Dudhkohale (@kalakar_vaibhavv)

या भूमिकेविषयी बोलताना स्मिता पायगुडे अंजुटे म्हणाल्या, “‘घबाडकुंड’मधील ‘रंगी’ ही भूमिका माझ्यासाठी अत्यंत खास आणि आव्हानात्मक आहे. थिएटरमधून मिळालेला अभिनयाचा अनुभव आणि मेकअप आर्टिस्ट म्हणून मिळालेली व्यक्तिरेखा समजून घेण्याची दृष्टी या भूमिकेला आकार देताना खूप उपयोगी पडली.” ब्लॅक मॅजिकच्या पार्श्वभूमीवर उभी राहणारी ‘रंगी’ ही व्यक्तिरेखा प्रेक्षकांच्या कायम स्मरणात राहील, असा विश्वासही त्यांनी व्यक्त केला.