धर्माशाळा : आयपीएल २०२६ मध्ये आज ५४ वा सामना पंजाब किंग्स विरुद्ध दिल्ली कॅपिटल्स मध्ये होणार आहे. हा सामना पंजाबच्या धर्माशाला स्टेडियमवर होणार आहे. सलग तीन पराभवानंतर पंजाब पुनरागमनासाठी सज्ज आहे , तर दिल्ली प्लेऑफच्या रेसमध्ये टिकुन राहण्यासाठी खेळेल.

श्रेयस अय्यरच्या नेतृत्वात पंजाबने २०२६ च्या हंगामाची सुरुवात धमाकेदार केली होती. पंजाब सलग सात सामन्यात अपराजीत होती, मात्र मागील तीन सामन्यात पंजाबला पराभाव पत्करावे लागले आहे. आता पर्यंत पंजाबने १० मध्ये ६ सामने जिंकले आहेत आणि तीन सामन्यात त्यांचा पराभाव झाला आहे ,तर एक सामना पाऊसमुळे वाया गेला आहे. १३ गुणांसह पंजाब गणतालिकेत चौथ्या स्थानावर आहे. दुसरीकडे दिल्ली ११ सामन्यात फक्त चार सामने जिंकू शकली आहे. ८ गुणांसह दिल्ली आठव्या स्थानावर आहे. दिल्लीने हा सामना गमवला तर आयपीएल २०२६ मध्ये अधिकृतपणे त्यांचे प्लेऑफचे आव्हान संपुष्टात येईल.

या हंगामात पंजाबसाठी पदार्पण करणाऱ्या कूपर कॉनोली याने संघासाठी सर्वाधिक धावा केल्या आहेत. त्याने १० सामन्यात ३७७ धावा केल्या आहेत. यात दोन अर्धशतके आणि एका शतकाचाही समावेश आहे. पंजाबची गोलंदाजी यंदाच्या वर्षी अपेक्षीत प्रमाणे कामगिरी करु शकली नाही , मात्र अर्शदीप सिंहने १० सामन्यात सर्वाधिक ११ विकेट्स घेतल्या आहेत. केएल राहुलने दिल्लीसाठी सर्वाधिक धावा केल्या आहेत. त्याने ११ सामन्यात ४६८ धावा केल्या आहेत. गोलंदाजीत अक्षर पटेलने ११ सामन्यात १० विकेट्स घेतल्या आहेत.

हेड टु हेड
आयपीएल इतिहासात या दोन्ही संघांमध्ये आतापर्यंत ३५ सामने झाले आहेत. यात पंजाबने १९ सामने जिंकले आहेत ,तर दिल्लीने १६ सामन्यात पंजाबचा पराभव केला आहे. मात्र मागील तीनही सामन्यात पंजाबने दिल्लीला हरवले आहे.

https://prahaar.in/2026/05/11/rcb-vs-mi-big-blow-to-rcb-bcci-takes-action-against-head-coach-umpire/

कशी असे खेळट्टी ?

पंजाब विरुद्ध दिल्लीचा सामना धर्माशाळा मैदानावर होणार आहे. या मैदानावर मोठी धावसंख्या होण्यची शक्यता आहे, तसेच वेगवान गोलंदाजांनाही मद्दत मिळू शकते. याआधी इथे आयपीएलचे १४ सामने झाले आहेत. यात प्रथम फलंदाजी करणाऱ्या संघाला ९ वेळा विजय मिळवता आले आहे ,तर पाच वेळा लक्ष्याचा पाठलाग करणाऱ्या संघाला विजय मिळाला आहे. यामुळे नाणेफेक निर्णायक ठरु शकते.

दोन्ही संघांचे संभाव्य-12

पंजाब किंग्स: प्रियांश आर्या, प्रभसिमरन सिंह, कूपर कोनोली, श्रेयस अय्यर (कर्णधार), मार्कस स्टोयनिस, अजमतुल्लाह उमरजई, शशांक सिंह, मार्को यानसन, हरप्रीत ब्रार, अर्शदीप सिंह, युजवेंद्र चहल आणि विजयकुमार वैशाख.

दिल्ली कॅपिटल्स: पथुम निसंका, केएल राहुल, नितीश राणा, समीर रिझवी, ट्रिस्टन स्टब्स, अक्षर पटेल (कर्णधार), आशुतोष शर्मा, विपराज निगम, मिचेल स्टार्क, कुलदीप यादव, लुंगी एनगिडी आणि मुकेश कुमार.