मुंबई : खराब हवामानामुळे उपमुख्यमंत्री एकनाथ शिंदे यांचे हेलिकॉप्टर भरकटल्याची बातमी गुरुवारी देशभरात वाऱ्यासारखी पसरली. त्यानंतर पंतप्रधान नरेंद्र मोदी यांनी शनिवारी उपमुख्यमंत्री एकनाथ शिंदे यांची विचारपूस करीत, त्यांना यापुढे हवाईप्रवास करताना काळजी घ्या, असा वडिलकीचा सल्ला दिला.
View this post on Instagram
पश्चिम बंगालचे नवनियुक्त मुख्यमंत्री शुवेंदु अधिकारी यांच्या शपथविधी सोहळ्यासाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार हे शनिवारी पश्चिम बंगालमध्ये गेले होते. या सोहळ्यादरम्यान पंतप्रधान मोदी हे सर्व राज्यांचे मुख्यमंत्री आणि उपमुख्यमंत्र्यांना अभिवादन करत पुढे सरकत असताना अचानक उपमुख्यमंत्री एकनाथ शिंदे यांच्याजवळ थांबत त्यांच्याशी चर्चा करताना दिसले. यावेळी त्यांच्यात नेमकी काय चर्चा झाली असावी, याची उत्सुकता सर्वांनाच होती. मात्र मोदी यांनी शिंदे यांच्या बाबतीत हेलिकॉप्टरमधील प्रवासादरम्यान झालेल्या या घटनेबाबतची बातमी कानावर आली असल्याचे सांगत शिंदे यांची आस्थेने विचारपूस केली. तसेच यापुढे हवाईप्रवास करताना अधिक काळजी घेण्याचा सल्लाही दिला.