मुंबई : राज्याचे उपमुख्यमंत्री आणि शिवसेनेचे मुख्य नेते एकनाथ शिंदे DCM Eknath Shinde हेलिकॉप्टरमधून प्रवास करत असताना संकटात सापडले. शिंदेंचे हेलिकॉप्टर वादळात अडकले. प्रतिकूल हवामान आणि वादळाचा तडाखा शिंदेंच्या हेलिकॉप्टरला बसला. पायलटने (हेलिकॉप्टर चालक) प्रसंगावधान राखल्यामुळे एकनाथ शिंदे सुरक्षित आहेत. शिंदेंसह हेलिकॉप्टरमधील सर्वजण मुंबईत जुहू विमानतळावर सुरक्षितरित्या उतरले आहेत. सर्वजण सुखरुप आहेत.

https://prahaar.in/2026/05/07/mumbai-water-metro-mumbai-water-metro-project-will-start-a-new-chapter-in-modern-water-transport-in-the-country/

उपमुख्यमंत्री एकनाथ शिंदे DCM Eknath Shinde ठाणे जिल्ह्यातील कल्याण आणि मुरबाडच्या दौऱ्यासाठी महालक्ष्मी रेसकोर्स येथील हेलिपॅडवरून रवाना झाले. शिंदेंचे हेलिकॉप्टर उड्डाणानंतर थोड्याच वेळात वादळात अडकले. प्रतिकूल हवामान आणि वादळामुळे संकट निर्माण झाले. सोसाट्याचा वारा आणि खराब दृश्यमानतेमुळे हेलिकॉप्टरवर नियंत्रण मिळवणे कठीण झाले होते. या संकटात डोकं शांत ठेवून पायलटने (हेलिकॉप्टर चालक) थोड्याच वेळात हेलिकॉप्टर पुन्हा नियंत्रण मिळवले. संकटाचे स्वरुप लक्षात येताच पायलटने नियंत्रण कक्षाशी समन्वय राखून तांत्रिक कौशल्याचा व्यवस्थित वापर केला. हेलिकॉप्टर वादळाच्या तडाख्यातून बाहेर काढून सुरक्षितरित्या मुंबईतील जुहू विमानतळावर उतरवले. शिंदेंच्या हेलिकॉप्टरचे जुहू विमानतळावर सुरक्षित इमर्जन्सी लँडिंग झाले.

 

View this post on Instagram

 

A post shared by Prahaar Newsline (@prahaarnewsline)

https://prahaar.in/2026/05/07/after-operation-sindoor-pakistan-faced-famine-now-it-is-time-for-pakistan-to-reach-out-to-india-for-medicines-too/

हेलिकॉप्टरमध्ये राज्याचे उपमुख्यमंत्री आणि शिवसेनेचे मुख्य नेते एकनाथ शिंदे, प्रभाकर काळे (स्विय सहाय्यक), विनायक पात्रूडकर (मुख्य जनसंपर्क अधिकारी), राजपूत (OSD), मुख्य सुरक्षा अधिकारी आणि इतर कर्मचारी तसेच पायलट एवढे सगळे होते. एकूण आठ जण हेलिकॉप्टरमध्ये होते. हेलिकॉप्टरचे जुहू विमानतळावर सुरक्षित इमर्जन्सी लँडिंग झाले. यानंतर हेलिकॉप्टरमधील आठ जण सुरक्षितरित्या हेलिकॉप्टरमधून बाहेर आले. सर्वजण सुरक्षित आणि सुखरुप आहेत. पायलटने प्रसंगावधान राखल्यामुळे एकनाथ शिंदेंचे DCM Eknath Shinde प्राण वाचले. मोठे संकट टळले. या घटनेनंतर शिंदेंच्या दौऱ्याच्या कार्यक्रमात तातडीने बदल करण्यात आला. आता उपमुख्यमंत्री शिंदे रस्ते मार्गाने ठाणे जिल्ह्यात जाणार असल्याचे वृत्त आहे.