मुंबई : मुंबईच्या गोरेगाव मधील नेस्को येथे एक्सझिबिशन सेंटरमध्ये एका ‘लेट नाईट टेक्नो म्युझिक’ कॉन्सर्टचे आयोजन करण्यात आले होते. यासाठी मोठ्या प्रमाणात तरुणाई लोटली होती. यातील बऱ्याच तरुणांनी ड्रग्सचे, अमली पदार्थांचे सेवन केले होते. याच अमली पदार्थांच्या अतिसेवनामुळे दोन एमबीएच्या विद्यार्थ्यांचा मृत्यू झाला. तर एकाची प्रकृती गंभीर आहे.

ड्रग्सच्या ओव्हरडोसमुळे मृत्यु झाला आणि पर्दाफाश झाला ड्रग्सच्या मोठ्या रॅकेटचा, कल्याणमधून आरोपीला अटक करण्यात आली. यातून पोलिसांची कसरत पणाला लागली आणि एक फिल्मी स्टाईल हायवोल्टेज ड्रामा पाहायला मिळाला.

https://prahaar.in/2026/04/14/mumbai-crime-mumbai-rocked-three-murders-in-a-single-day-and-the-accused-are/

पोलिसांना गोपनीय माहिती मिळाली आणि सुरुवातीला पोलिसांचा ताफा कल्याणमधील ‘मोहन हाइट्स’ या इमारतीत गेला. घरात शिरताच एक माणूस समोर आला, त्याला आनंद पटेल या इसमाबद्दल विचारले असता, त्याने उत्तर द्यायला टाळाटाळ केली, समोर आलेली व्यक्ती आनंद पटेलचा वडील लखन पटेल होता म्हणून तो मुलाला वाचवण्यासाठी पोलिसांची दिशाभूल करण्याचा प्रयत्न करत होता. जवळपास पोलिसांना तासभर बाहेर ताटकळत ठेवले आणि पोलिसांनीही आनंद बाहेर येत नाही तोपर्यंत इथून आम्ही हलणार नाही अशी थेट थंबी दिली.

पोलिसांच्या दबावात शेवटी घराचा दरवाजा उघडला गेला आणि आनंद पोलिसांच्या ताब्यात आला. स्वतःला व्यावसायिक म्हणवून घेणारा आनंद पटेल आणि लेखन पटेल यांच्यावर आधी अनेक आर्थिक गुन्हे दाखल असल्याची माहिती पोलिसांना मिळाली आहे. तसेच नेस्को पार्टीतील आयोजकांना ड्रग्स पुरवण्यात आनंदची महत्वाची भूमिका होती.

https://prahaar.in/2026/04/12/ashok-kharat-case-businessman-manufacturing-beads-from-tamarind-seeds-on-sits-radar/

वनराई पोलिसांनी कठोर पाऊले उचलत कार्यक्रमाचे आयोजक, नेस्कोचे कर्मचारी आणि मृतांच्या दोन मित्रांसह इतर पाच संशयितांना अटक केली आहे. हा तपास आणखी किती खोलवर जातो? आणखी किती चेहरे समोर येतात? हे पाहणे महत्वाचे ठरणार आहे.