वॉशिंग्टन : अमेरिकेचे राष्ट्राध्यक्ष डोनाल्ड ट्रम्प यांनी सोमवारी सांगितले की त्यांनी चीनचे राष्ट्राध्यक्ष शी जिनपिंग यांच्याशी थेट चर्चा केलेली नाही. मात्र, अमेरिका आणि चीन यांच्यात अत्यंत चांगले संबंध असल्याचे त्यांनी पुन्हा अधोरेखित केले. त्यांनी असेही नमूद केले की शी जिनपिंग पश्चिम आशियातील सुरू असलेला संघर्ष संपावा, अशी इच्छा व्यक्त करत आहेत.

https://prahaar.in/2026/04/14/iran-india-travel-through-the-strait-of-hormuz-is-toll-free-for-india-once-again-iran-underline-strong-ties-with-india/

व्हाईट हाऊसमध्ये पत्रकारांशी बोलताना ट्रम्प म्हणाले, “चीनसोबत आमचे खूप चांगले संबंध आहेत.” पश्चिम आशियातील तणावाचा उल्लेख करत ते म्हणाले, “शी यांना युद्ध संपलेले पाहायला आवडेल.अमेरिकेच्या गुप्तचर माहिती (इंटेलिजन्स इनपुट्स) आणि चीनी नेतृत्वाशी संभाव्य चर्चेबाबत माध्यमांनी विचारलेल्या प्रश्नाला उत्तर देताना ट्रम्प यांनी स्पष्ट केले की त्यांनी या विषयावर शी जिनपिंग यांच्याशी थेट संवाद साधलेला नाही. मात्र, त्यांनी इशारा दिला की जर बीजिंगने तेहरानला लष्करी मदत केली, तर त्याचे गंभीर परिणाम भोगावे लागतील.

https://prahaar.in/2026/04/14/us-iran-peace-talks-2-0-iran-america-peace-agreement-2-0-will-the-next-meeting-be-held-in-geneva/

ट्रम्प म्हणाले, “जर चीनने असे केले, तर चीनला मोठ्या अडचणींना सामोरे जावे लागेल, ठीक आहे?” या घडामोडींमध्ये ट्रम्प यांनी हेही पुष्टी केले की त्यांचा पूर्वी स्थगित झालेला चीन दौरा आता पुढील महिन्यासाठी पुन्हा निश्चित करण्यात आला आहे. ‘ट्रुथ सोशल’वरील सविस्तर पोस्टमध्ये त्यांनी सुधारित कार्यक्रमाची माहिती देत वॉशिंग्टन आणि बीजिंग यांच्यातील परस्पर राजनैतिक संवादाच्या योजनांची रूपरेषा मांडली.

ते म्हणाले, “चीनचे अत्यंत आदरणीय राष्ट्राध्यक्ष शी जिनपिंग यांच्यासोबतची माझी भेट, जी मूळतः इराणमधील आमच्या लष्करी कारवाईमुळे पुढे ढकलण्यात आली होती, आता पुन्हा निश्चित करण्यात आली असून ती १४ आणि १५ मे रोजी बीजिंगमध्ये होणार आहे. फर्स्ट लेडी मेलानिया ट्रम्प आणि मी, याच वर्षाच्या उत्तरार्धात, वॉशिंग्टन डीसीमध्ये राष्ट्राध्यक्ष शी आणि मॅडम पेंग यांचेही स्वागत करणार आहोत.”