मुंबई : आयपीएल २०२६ मधील रंगतदार सामन्यात लखनौ सुपर जायंट्सने कोलकाता नाईट रायडर्सवर 3 विकेटने या सामन्याला रंग चढवत विजय मिळवला. शेवटच्या ओव्हरपर्यंत गेलेल्या या सामन्यात युवा फलंदाज मुकुल चौधरीने निर्णायक भूमिका बजावत संघाला विजय मिळवून दिला.

https://prahaar.in/2026/04/09/ipl-2026-bcci-announces-new-rules-for-players-who-do-not-play-matches/

मुकुल चौधरीचा सामना जिंकवणारा डाव

लखनौची अवस्था डळमळीत असताना मुकुल चौधरीने जबाबदारी घेत नाबाद 54 धावांची खेळी साकारली. केवळ 27 चेंडूत केलेल्या या खेळीत त्याने ७षटकार आणि 2 चौकार लगावत दबाव झुगारला. शेवटच्या ओव्हरमध्ये 14 धावांची गरज असताना त्याने शांतपणे सामना लखनौच्या बाजूने वळवला.

बदोनीचीही साथ

मुकुलला आयुष बदोनीने चांगली साथ दिली. बदोनीने 34 चेंडूत 54 धावा करत संघाला स्थैर्य दिले. मात्र इतर फलंदाजांना मोठी खेळी करता आली नाही. निकोलस पूरन, ऋषभ पंत आणि अब्दुल समद हे लवकर बाद झाले होते.

KKR कडून 181 धावांचे आव्हान

या आधी फलंदाजी करताना KKR ने 20 षटकांत 181 धावा केल्या. सुरुवातीला अजिंक्य रहाणे आणि अंगकृष रघुवंशी यांनी चांगली भागीदारी करत संघाला मजबूत स्थितीत नेले. दोघांनी दुसऱ्या विकेटसाठी 84 धावांची भागीदारी केली.  =रहाणे 41 धावांवर बाद झाल्यानंतर KKR ची गाडी अडखळली. रघुवंशी 45 धावांवर माघारी परतला, तर रिंकू सिंहलाही मोठी खेळी करता आली नाही. काही काळातच संघ 99-2 वरून 111-4 असा गडगडला. अंतिम षटकांमध्ये कॅमेरॉन ग्रीन आणि रोवमन पॉवेल यांनी आक्रमक फलंदाजी करत KKR ला सावरण्याचा प्रयत्न केला. ग्रीनने नाबाद 32, तर पॉवेलने नाबाद 39 धावा करत 70 धावांची महत्त्वपूर्ण भागीदारी केली. यामुळे KKR ने 180 चा टप्पा पार केला.

https://prahaar.in/2026/04/08/ipl-2026-rr-vs-mi-rajasthan-royals-won-3rd-consecutive-match-beat-mumbai-indians-by-27-runs-at-guwahati/

लखनौची पॉइंट टेबलमध्ये झेप

या विजयासह लखनौने सलग दुसरा विजय नोंदवत 4 गुणांसह गुणतालिकेत पाचव्या स्थानावर झेप घेतली आहे. दुसरीकडे KKR ला अजूनही या हंगामातील पहिल्या विजयाची प्रतीक्षा करावी लागत आहे.

एकूणच, शेवटपर्यंत रंगलेल्या या सामन्यात लखनौने दबावाखालीही उत्कृष्ट कामगिरी करत विजय खेचून आणला.