नागपूर : नागपूरमधील लकडगंज (Nagrpur News) परिसरातून एक अत्यंत धक्कादायक आणि मनाला चटका लावणारी घटना समोर आली आहे. नुकतीच करिअरची नवी उड्डाणे घेण्यास सज्ज झालेल्या २८ वर्षीय एअर होस्टेसने आपल्या राहत्या घरात गळफास घेऊन आत्महत्या केली. गायत्री उर्फ गौरी बनसोड असे मृत तरुणीचे नाव असून, या घटनेमुळे नागपूर शहरात खळबळ उडाली आहे.

https://prahaar.in/2026/04/07/dreams-blossoming-through-colors-at-j-j-school-of-art/

नेमकी घटना काय?

मिळालेल्या माहितीनुसार, गायत्रीने नुकतेच एअर होस्टेसचे प्रशिक्षण पूर्ण केले होते आणि एका नामांकित खासगी विमान कंपनीत तिने नोकरीला सुरुवात केली होती. गायत्रीचे एका तरुण डॉक्टरासोबत प्रेमसंबंध होते आणि विशेष म्हणजे या दोघांचे लग्नही ठरले होते. मात्र, रविवारी मध्यरात्री सुमारे २ वाजताच्या सुमारास गायत्री आणि तिच्या प्रियकरामधून फोनवर जोरदार वाद झाला. या वादानंतर गायत्री मानसिकदृष्ट्या प्रचंड अस्वस्थ झाली होती. याच नैराश्यातून तिने रात्रीच्या सुमारास राहत्या घरातील फ्लॅटमध्ये गळफास लावून आपले जीवन संपवले. घटनेच्या वेळी गायत्रीचे कुटुंबीय काही कामानिमित्त भंडारा येथे गेले होते. घरी कुणीही नसल्याची संधी साधून तिने हे टोकाचे पाऊल उचलले. कुटुंबीय जेव्हा भंडाऱ्याहून परतले, तेव्हा गायत्रीने गळफास घेतल्याचे त्यांच्या निदर्शनास आले. हा धक्कादायक प्रकार पाहताच त्यांनी एकच टाहो फोडला.

पोलिसांकडून तपास सुरू

घटनेची माहिती मिळताच लकडगंज पोलिसांनी तातडीने घटनास्थळी धाव घेतली. पोलिसांनी घटनास्थळाचा पंचनामा करून मृतदेह उत्तरीय तपासणीसाठी (पोस्टमार्टम) शासकीय रुग्णालयात पाठवला आहे. प्राथमिक तपासात प्रियकरासोबत झालेला वादच आत्महत्येस कारणीभूत असल्याची शक्यता वर्तवण्यात येत असली, तरी पोलिसांनी सर्व बाजूंनी तपास सुरू केला आहे. या प्रकरणी गायत्रीच्या प्रियकराची आणि कुटुंबीयांची चौकशी केली जाण्याची शक्यता आहे.