मुंबई: यंदाच्या वर्षी ३० एप्रिलला अक्षय्य तृतीयेचा मुहूर्त आहे. या दिवशी कोणतेही शुभ कार्य केले जाते. तसेच या दिवशी मुहूर्त पाहण्याची गरज नसते. साडेतीन मुहूर्तांपैकी एक असा हा शुभ मुहूर्त मानला जातो. या दिवशी सोन्या-चांदीची खास करून खरेदी करणे शुभ मानले जाते. हा दिवस लक्ष्मी मातेशी संबंधित आहे. लक्ष्मी मातेला सोने अतिशय प्रिय आहे.
सोन्याला लक्ष्मी मातेचे प्रतीक मानले जाते. असे म्हणतात की अक्षय्य तृतीयेला सोने खरेदी केल्यास घरात लक्ष्मीचा वास राहतो. तसेच सुख-समृद्धीचा आशीर्वाद मिळतो. या वर्षी अक्षय्य तृतीयेला राशीनुसार सोने खरेदी करा.
मेष रास
मेष राशीचे लोक अक्षय्य तृतीयेला सोन्याची अंगठी खरेदी करू शकतात. ज्योतिषशास्त्रानुसार सोन्याची अंगठी परिधान केल्याने त्या व्यक्तीच्या जीवनात सूर्याचा प्रभाव वाढतो.
वृषभ रास
या राशीचे स्वामी शुक्र आहे ज्यांना चांदी प्रिय आहे. अशातच अक्षय्य तृतीयेला तुम्ही चांदीच्या वस्तू जसे नाणे, पैंजण इत्यादी खरेदी करू शकता.
मिथुन रास
अक्षय्य तृतीयेला मिथुन राशीचे लोक सोन्याची चेन खरेदी करू शकतात. जर बजेट नसेल तर सोन्याचे झुमकेही खरेदी करू शकतात.
कर्क रास
कर्क राशीच्या लोकांना सोन्यापेक्षा जास्त चांदी फायदेशीर आहे कारण या राशीचा स्वामी चंद्र आहे. चांदीची चेन अथवा ब्रेसलेट तुम्ही अक्षय़्य तृतीयेला खरेदी करू शकता.
सिंह रास
सिंह राशीचे लोकांना अक्षय्य तृतीयेच्या दिवशी सोन्याची चेन अथवा हार खरेदी करणे अतिशय लाभदायक ठरते.
कन्या रास
अक्षय्य तृतीयेला सोन्याची बांगडी, नथ अथवा अंगठी खरेदी केल्याने तुम्हाला कामाच्या ठिकाणी फायदेशीर ठरू शकते.
तूळ रास
तूळ राशीचे लोक अक्षय़्य तृतीयेला चांदीची खरेदी करू शकतात. यामुळे पती-पत्नीमधील संबंध मजबूत राहतात.
वृश्चिक रास
अक्षय्य तृतीयेला वृश्चिक राशीचे लोक सोन्याची नथ, अंगठी खरेदी करू शकतात. यांचा स्वामी मंगळ असल्याने त्यांना सोने नेहमीच अनुकूल होत नाही. त्यामुळे सोने प्रमाणातच घाला.
धनू रास
धनू राशीच्या लोकांना सोने घालणे अतिशय लाभदायक असते. कारण यांचा स्वामी बुध आहे. त्यामुळे या लोकांनी अक्षय्य तृतीयेला सोन्याची चेन, बिंदी, बांगडी अथवा हार खरेदी करू शकतात.
मकर आणि कुंभ रास
मकर आणि कुंभ राशीचा स्वामी शनी आहे. अशातच या राशीचे लोक अक्षय़्य तृतीयेला चांदीचे कडे अथवा कोणतेही दागिने घेऊ शकतात.
मीन
मीन राशीचा स्वामी बुध आहे. अक्षय्य तृतीयेला तुम्ही सोन्याची बांगडी, हार, चेन, झुमके इत्यादी खरेदी करू शकता. यामुळे लक्ष्मी मातेची कृपा राहील.