ओपनएआयच्या जीपीटी-४ ने त्यांच्या जीपीटी-४ओ मॉडेलमध्ये एक नवीन नेटिव्ह इमेज क्रिएशन फीचर सादर केले आहे . ज्यामुळे सोशल मीडियावर घिबली-शैलीतील पोर्ट्रेटचा व्हायरल ट्रेंड सुरू झाला. आपल्यापैकी अनेकांना अ‍ॅनिमेटेड चित्रपट पाहायला आवडत असतील. कारण अ‍ॅनिमे कॅरेक्टर्स हे दिसायला कार्टून सारखे असले तरी ते प्रेक्षकांच्या हृदयाला स्पर्श करतात. शिवाय ते दिसायला देखील फार युनिक असतात. पण विचार करा तुम्हाला देखील या अ‍ॅनिमे जगाचा पार्ट होण्याची संधी मिळाली तर? होय, अ‍ॅनिमे लव्हर्सची सुप्त इच्छा पूर्ण करण्यासाठी चॅट जीपीटीनं एक नवं फिचर अपडेट केलं आहे. Ghibli आर्ट असं या फीचरचं नाव आहे.
Ghibli फिचरच्या मदतीने तुम्ही सुद्धा आपले फोटो अ‍ॅनिमे स्टाईलमध्ये कनव्हर्ट करू शकता. चॅट जीपीटीनं आपल्या GPT-४० या नव्या मॉडेलमध्ये एक इमेज जनरेटरचं फिचर दिलं आहे. या फिचरच्या मदतीनं तुम्ही स्वत:चे फोटो किंवा तुम्हाला हवे ते फोटो तुम्ही अ‍ॅनिमे स्टाईलमध्ये तयार करू शकता. सध्या सोशल मीडियावर या Ghibli फिचरचा प्रचंड वापर केला जातोय. सोशल मीडियावर जणू नवाच ट्रेंड आलाय असं म्हणायला हरकत नाही. इतकंच काय तर मुख्यमंत्री देवेंद्र फडणवीसांनी देखील हा फिचर वापरून आपले फोटो पोस्ट केले आहेत.
राज्याचे मुख्यमंत्री यांनी देखील हा घिबली स्टाईल फोटो आपल्या सोशल मीडिया अकाउंटवर पोस्ट केला आहे. मुख्यमंत्री फडणवीस यांनी आपल्या कुटुंबासह पंतप्रधान मोदींना सदिच्छा भेट देत असतानाच फोटो घिबली स्टाईलमध्ये पोस्ट केला आहे. आणि त्यावर लिहिलंय की, ही माझी घिबली स्टाईल एन्ट्री आहे. ‘तंत्रज्ञान आपल्याला आनंदी होण्यापासून रोखत नाही’.
“स्टुडिओ घिबली हा एक प्रसिद्ध जपानी अॅनिमेशन स्टुडिओ आहे, जो सुंदर रचलेला, कल्पनारम्य आणि भावनिकदृष्ट्या प्रतिध्वनीत चित्रपट तयार करण्यासाठी प्रसिद्ध आहे. त्याची स्थापना १९८५ मध्ये अॅनिमेशनच्या जगातले दोन प्रभावशाली दिग्दर्शक हयाओ मियाझाकी आणि इसाओ ताकाहाता यांनी केली होती. स्टुडिओ त्याच्या अद्भुत कलाकृती, खोल कथाकथन आणि निसर्ग, मानवता, कल्पनारम्य आणि आत्म-शोधाच्या थीमसाठी व्यापकपणे ओळखला जातो.”
मुंबई: इंडियन प्रीमियर लीगचा सध्याचा हंगाम मध्येच रद्द केला जाऊ शकतो. भारत-पाकिस्तान तणावादरम्यान भारतीय क्रिकेट…
मुंबई: भारत आणि पाकिस्तान यांच्यातील तणाव पाहता महाराष्ट्राचे मुख्यमंत्री देवेंद्र फडणवीस यांनी आपात्कालीन सुरक्षा बैठक…
नवी दिल्ली : भारत आणि पाकिस्तान यांच्यात लढाई सुरू आहे. या संघर्षाच्या पार्श्वभूमीवर भारत सरकारने…
नवी दिल्ली: पाकिस्तानच्या हल्ल्याला उत्तर देताना भारताने जम्मूपासून ते जैसलमेरपर्यंत पाकिस्तानच्या ड्रोन आणि मिसाईल हल्ल्याला…
सांबा : भारत - पाकिस्तान दरम्यान लढाई सुरू असतानाच जम्मू काश्मीरमधील सांबा जिल्ह्यात आंतरराष्ट्रीय सीमेवर…
मुंबई: भारत पाकिस्तान युद्धाला सुरुवात झाली आहे. भारताने पाकिस्ताननं केलेल्या सगळ्या कुरापतींना चोख प्रत्युत्तर दिलं…