सावंतवाडी : सिंधुदुर्ग जिल्ह्यातील अनेक भागात मंगळवारी सायंकाळी अवकाळी पावसाने धुमशान घातले. कणकवली, दोडामार्ग, सावंतवाडी तालुक्यातील बहुतांशी गावात मंगळवारी सायंकाळी वादळी वाऱ्यासह पावसाने त्रेधातिरपट उडवून दिली. सुमारे तासभर हा गडगडाटी पाऊस सुरु होता. यामुळे रखरखत्या उन्हाळ्यापासून नागरिकांना काहीसा दिलासा मिळाला. बऱ्याच ठिकाणी सोसाट्याच्या वाऱ्यामुळे झाडे विद्युत वाहिन्यांवर कोसळल्याने वीज पुरवठा खंडीत झाला. बहुतांशी गावे अंधारात आहेत. कोनाळकट्टा येथे घरावर झाड पडून नुकसान झाल्याची घटना घडली. दरम्यान अवकाळी पावसाच्या नुसत्या चाहूलीनेच सावंतवाडी शहरातील महावितरणची बत्ती लगेच गुल झाली. केवळ वारा सुटला आणि बत्ती गुल झाली. कणकवली तालुक्यातील सह्याद्री पट्टयात या वादळी पावसाचा तडाखा बसला.
कनेडी, भिरवंडे, हरकूळ खुर्द, फोंडाघाट परिसरातून वैभवाडी तालुक्याच्या काही भागात पावसाने हजेरी लावली होती. दोडामार्ग तालुक्यात मंगळवारी सायंकाळी वादळी वाऱ्यासह अवकाळी पाऊस कोसळला. अचानक झालेल्या पावसामुळे नागरिकांची चांगलीच धांदल उडाली. अवकाळी पावसामुळे काजू, आंबा बागायदार शेतकरी धास्तावला आहे. पावसामुळे आंबा फळ काळे पडण्याची शक्यता असल्याने शेतकरी वर्ग चिंतातूर बनला आहे.
भारतीय क्रिकेट इतिहासामधील महत्त्वाचे पान म्हणून ओळखल्या जाणाऱ्या रोहित शर्माने कसोटी क्रिकेटमधून तडकाफडकी निवृत्ती घेतली.…
युद्धजन्य सावट: नागरिकांनी खालील बाबी तात्काळ अमलात आणाव्यात! भारत-पाकिस्तान दरम्यान पुन्हा एकदा संघर्ष पेटलेला आहे.…
उमेश कुलकर्णी भारतात आणि जगातही असे अनेक खेळाडू होऊ गेले की ज्यांची कहाणी प्रेरणादायक तर…
सैन्याच्या तिन्ही दलाकडून चौफेर हल्लाबोल! इस्लामाबाद थरथरला! कराची पोर्ट उद्ध्वस्त... पाकिस्तान घाबरला, संपूर्ण देशात ब्लॅक…
मधुसूदन जोशी : मुंबई ग्राहक पंचायत महेश आपल्या कुटुंबाला घेऊन दिल्लीच्या एका हॉटेलमध्ये गेला. बऱ्याच…
नवी दिल्ली: पाकिस्तानविरुद्ध भारतीय लष्कराच्या कारवाईला आता अमेरिकेचे समर्थन मिळाले आहे. संयुक्त राष्ट्र अमेरिका म्हणजेच…