दुबई : चॅम्पियन्स ट्रॉफीच्या उपांत्य सामन्यात ऑस्ट्रेलियाचा पराभव झाला. भारताने सामना चार गडी राखून जिंकला. या विजयामुळे भारत अंतिम फेरीत पोहोचला तर ऑस्ट्रेलियाचे स्पर्धेतील आव्हान संपले. यानंतर ऑस्ट्रेलियाचा कर्णधार स्टीव्ह स्मिथ याने आंतरराष्ट्रीय एकदिवसीय क्रिकेटमधून निवृत्तीची घोषणा केली. स्मिथ एकदिवसीय क्रिकेटमधून निवृत्त झाला तरी आंतरराष्ट्रीय कसोटी क्रिकेट आणि आंतरराष्ट्रीय टी २० सामने खेळणार आहे.
क्रिकेटचा ऑलिम्पिकमध्ये समावेश झाला आहे. यामुळे २०२८ च्या ऑलिम्पिकमध्ये ऑस्ट्रेलियाकडून खेळण्याची स्टीव्ह स्मिथची इच्छा आहे, तसे सूतोवाच त्याने केले आहे. ऑलिम्पिकच्या तयारीसाठी एकदिवसीय क्रिकेटमधून स्टीव्ह स्मिथने निवृत्ती घेतल्याचे क्रिकेट ऑस्ट्रेलियाच्या पदाधिकाऱ्यांनी सांगितले. ऑस्ट्रेलियाचा संघ आता २०२७ च्या एकदिवसीय क्रिकेटच्या विश्वचषकासाठी संघ बांधणी करणार आहे. या संघात तरुण खेळाडूंना प्राधान्य द्यायचे आहे. ही बाब विचारात घेतल्यानंतरच निवृत्तीचा निर्णय घेतल्याचे स्टीव्ह स्मिथने सांगितले. टेस्ट चॅम्पियनशिपसाठी ऑस्ट्रेलियाकडून खेळण्याची तयारी करण्यावर लक्ष केंद्रीत करणार आहे, असेही स्टीव्ह स्मिथने सांगितले.
स्टीव्ह स्मिथ २ जून २०२५ रोजी ३६ वर्षांचा होणार आहे. त्याने १९ फेब्रुवारी २०१० रोजी मेलबर्न क्रिकेट ग्राउंडवर वेस्ट इंडिज विरोधात एकदिवसीय क्रिकेटमध्ये पदार्पण केले. या सामन्यात फिरकीपटू म्हणून प्रभावी गोलंदाजी करत त्याने दोन बळी घेतले होते. स्टीव्ह स्मिथ ४ मार्च २०२५ रोजी शेवटचा एकदिवसीय सामना खेळला. भारताविरुद्धच्या या सामन्यात ऑस्ट्रेलियाचा पराभव झाला. या सामन्यात त्याने ९६ चेंडूत ७३ धावांची खेळी केली.
उजव्या हाताने फलंदाजी करणाऱ्या स्टीव्ह स्मिथने १७० एकदिवसीय सामने खेळून ४३.२८ च्या सरासरीने ५८०० धावा केल्या. यात १२ शतके आणि ३५ अर्धशतके यांचा समावेश आहे. स्मिथने एका सामन्यात १६४ धावा केल्या. ही त्याची सर्वोत्तम खेळी आहे. गोलंदाज म्हणून त्याने एकदिवसीय क्रिकेटमध्ये १०७६ चेंडू टाकून ३४.६७ च्या सरासरीने २८ बळी घेतले. फक्त १६ धावा देऊन तीन बळी ही त्याची गोलंदाजीतील सर्वोत्तम कामगिरी आहे. क्षेत्ररक्षक म्हणून एकदिवसीय क्रिकेटमध्ये त्याने तब्बल ९० झेल घेतले आहेत.
स्टीव्ह स्मिथच्या नेतृत्वात ऑस्ट्रेलियाने २०१५ आणि २०२३ मधील एकदिवसीय क्रिकेटचा विश्वचषक तसेच २०२१ चा टी २० विश्वचषक आणि २०२१ – २३ टेस्ट चॅम्पियनशिप जिंकली आहे. या व्यक्तिरिक्त त्याच्या नेतृत्वात ऑस्ट्रेलिया २०१० च्या टी २० विश्वचषकाची उपविजेती झाली आहे.
मुंबई: भारत आणि पाकिस्तान यांच्यातील तणाव पाहता महाराष्ट्राचे मुख्यमंत्री देवेंद्र फडणवीस यांनी आपात्कालीन सुरक्षा बैठक…
नवी दिल्ली : भारत आणि पाकिस्तान यांच्यात लढाई सुरू आहे. या संघर्षाच्या पार्श्वभूमीवर भारत सरकारने…
नवी दिल्ली: पाकिस्तानच्या हल्ल्याला उत्तर देताना भारताने जम्मूपासून ते जैसलमेरपर्यंत पाकिस्तानच्या ड्रोन आणि मिसाईल हल्ल्याला…
सांबा : भारत - पाकिस्तान दरम्यान लढाई सुरू असतानाच जम्मू काश्मीरमधील सांबा जिल्ह्यात आंतरराष्ट्रीय सीमेवर…
मुंबई: भारत पाकिस्तान युद्धाला सुरुवात झाली आहे. भारताने पाकिस्ताननं केलेल्या सगळ्या कुरापतींना चोख प्रत्युत्तर दिलं…
मुंबई पोलिसांच्या सर्व सुट्ट्या रद्द मुंबई : भारत-पाकिस्तान यांच्यात तणाव वाढल्याने मुंबईत हायअलर्ट घोषित करण्यात…