आमच्या घरात प्रत्येकाची
वेगवेगळी छत्री
प्रत्येकाच्या आवडीची ती
देतेच जणू खात्री
आमच्या आईची छत्री
रंगीत फुलाफुलांची
पाऊस झेलून फुलं जणू
आणखी फुलून यायची
बाबांची छत्री काळी
आहे भलीमोठ्ठी
छत्रीत दोघे आले तरी
होत नाही दाटी
आमच्या ताईच्या छत्रीला
रंगीबेरंगी झालर
जणू काही इंद्रधनुष्यच
उतरलंय छत्रीवर
आमच्या दादाची छत्री
ओळखायला सोपी
छत्रीवरील चांदण्या
खेळतात लपाछपी
आजोबांच्या छत्रीची तर
काय सांगू बात
पाऊस असो, नसो
दिसते त्यांच्या हातात
आमच्या आजीची छत्री
आहे मात्र जुनी
ऊन-पावसाच्या केवढ्यातरी
ती सांगते आठवणी
१) उत्तर प्रदेशातील हे एक
ऐतिहासिक शहर
जगप्रसिद्ध ताजमहल
येथेच आहे, तर
फत्तेपूर सिक्रीतील पाहावी
स्थापत्यकला येथे
स्वादिष्ट पेठा
खायला मिळतो कोठे?
२) ‘भारताचे स्कॉटलंड’ म्हणून
प्रसिद्ध असलेले
सतत धुक्यांचे पांघरूण
वेढून बसलेले
हिरव्यागार टेकड्या
सुगंधी कॉफीच्या बागा
कर्नाटकातील हे थंड ठिकाण
कोणते आहे सांगा?
३) पंजाब, हरियाणा राज्याची
ही संयुक्त राजधानी
केंद्रशासित प्रदेशातला हा
प्रदेश देखील गुणी
सुंदर शहर म्हणून
हा प्रदेश आहे मानाचा
‘चंडीचा किल्ला’ असा
अर्थ कोणत्या शहराचा?
१) आग्रा
२) कूर्ग
३) चंदिगड
भारतीय क्रिकेट इतिहासामधील महत्त्वाचे पान म्हणून ओळखल्या जाणाऱ्या रोहित शर्माने कसोटी क्रिकेटमधून तडकाफडकी निवृत्ती घेतली.…
युद्धजन्य सावट: नागरिकांनी खालील बाबी तात्काळ अमलात आणाव्यात! भारत-पाकिस्तान दरम्यान पुन्हा एकदा संघर्ष पेटलेला आहे.…
उमेश कुलकर्णी भारतात आणि जगातही असे अनेक खेळाडू होऊ गेले की ज्यांची कहाणी प्रेरणादायक तर…
सैन्याच्या तिन्ही दलाकडून चौफेर हल्लाबोल! इस्लामाबाद थरथरला! कराची पोर्ट उद्ध्वस्त... पाकिस्तान घाबरला, संपूर्ण देशात ब्लॅक…
मधुसूदन जोशी : मुंबई ग्राहक पंचायत महेश आपल्या कुटुंबाला घेऊन दिल्लीच्या एका हॉटेलमध्ये गेला. बऱ्याच…
नवी दिल्ली: पाकिस्तानविरुद्ध भारतीय लष्कराच्या कारवाईला आता अमेरिकेचे समर्थन मिळाले आहे. संयुक्त राष्ट्र अमेरिका म्हणजेच…