IPL 2025 : आरसीबी कर्णधार पदासाठी केएल नावाची चर्चा!

२०२५ मेगा लिलावासाठी उलटी गिनती सुरू

नवी दिल्ली : आयपीएल २०२५ (IPL 2025) मेगा लिलावासाठी उलटी गिनती सुरू झाली आहे. आयपीएलचा लिलाव २४ आणि २५ नोव्हेंबर रोजी सौदी अरेबियातील जेद्दाह येथे होणार आहे. या लिलावात फ्रेंचायझी मोठ्या प्रमाणात बोली लावताना दिसती. केएल राहुल आणि ऋषभ पंत (Rishabh Pant) या खेळाडूंचा समावेश आहे. लखनऊ सुपर जायंट्मसधून (Lucknow Super Giants) बाहेर झाल्यानंतरके एल राहुल आयपीएल२०२५ मध्ये कोणत्या संघाचा भाग असेल, यावर सगळ्यंचे लक्ष लागले आहे.

आयपीएल२०२५ च्या मेगा लिलावाची तारीख जसजशी जवळ येत आहे, तसतसे राहुल आरसीबीमध्ये (RCB) जाऊ शकतो, अशी अफवा वाढत आहे. जिथे त्याने २०१३ मध्ये त्याच्या आयपीएल कारकिर्दीला सुरुवात केली होती. एका मीडिया रिपोर्टमध्ये दावा करण्यात आला आहे की, रॉयल चॅलेंजर्स बंगळुरूने राहुलला लिलावात खरेदी करण्यासाठी आधीच ३० कोटी रुपयांचे बजेट राखून ठेवले आहे.

केएल राहुल २०१६ पर्यंत रॉयल चॅलेंजर्स बंगळुरूकडून खेळला आणि त्याच हंगामात आरसीबीने आयपीएलची अंतिम फेरी गाठली. २०१६ मध्ये सनरायझर्स हैदराबाद बंगळुरूविरुद्ध विजेतेपदाच्या लढतीत होते. त्या सामन्यात एसआरएचने प्रथम खेळताना२०८ धावांची मोठी खेळी केली होती. दुसरीकडे, बंगळुरूला निर्धारित २० षटकांत केवळ २०० धावांपर्यंत मजल मारता आली. त्या सामन्यात विराट कोहलीने ५४ आणि राहुलने ११ धावा केल्या होत्या. राहुलने आयपीएल २०१६ मध्ये १४ सामने खेळताना ३९७ धावा केल्या होत्या.

केएलचे आरसीबीमधून पदार्पण

केएल राहुलने २०१३मध्ये आरसीबीकडून खेळताना आयपीएलमध्ये पदार्पण केले होते. त्याने बेंगळुरूसाठी चार हंगाम खेळले, ज्यामध्ये त्याने १९ सामन्यांमध्ये ४१७ धावा केल्या. आरसीबीने आयपीएल २०२५ साठी विराट कोहली (२१ कोटी), रजत पाटीदार (११ कोटी) आणि यश दयाल यांना ५ कोटी रुपयांना खरेदी केले होते. आरसीबीच्या पर्समध्ये अजूनही ८३ कोटी रुपये शिल्लक आहेत. अशा परिस्थितीत या टीमने राहुलसाठी लिलावात ३० कोटी रुपयांपर्यंत बोली लावण्याची तयारी केली असल्याचा दावा केला जात आहे.