मुंबई : मुंबई आणि गणेशोत्सवाचं एक अद्भुत नातं आहे. यंदा ७ सप्टेंबरला गणपती बाप्पाचं आगमन होणार आहे. अनेक गणेश मंडळ आज शनिवार आणि रविवार निमित्त साधून आपल्या गणरायाला मंडपात घेऊन जाणार आहे. आज खास करुन चिंचपोकळीच्या चिंतामणीची मिरवणूक निघणार आहे. गणेशभक्तांची या मिरवणुकीला अफाट गर्दी पाहायला मिळते. त्यामुळे गणेशोत्सवात (Ganeshotsav 2024) मुंबई वाहतूक पोलिसांनी (Mumbai Traffic Police) मुंबई शहरात वाहतूक (Mumbai Traffic) सुरळीत राहण्यासाठी तसंच प्रवाशांची गैरसोय टाळण्यासाठी चोख उपाययोजना केलेल्या आहेत.
गणपती आगमन मिरवणुकांमुळे तसंच चिंतामणी आगमन मिरवणुकीमुळे लालबाग, परळ भागामध्ये शनिवारी आणि रविवारी गर्दी होण्याची शक्यता अफाट असल्याने प्रवाशांनी लालबाग, परळ (डॉ. बी.ए. आंबेडकर रोडने) जाणं टाळावे. तर बॅ. नाथ पै, रफी किडवाई रोड, ना. म. जोशी, साने गुरुजी मार्गाचा वापर करावा, असं मुंबई वाहूतक पोलिसांनी मुंबईकरांना आवाहन केलंय.
चिंचपोकळीच्या चिंतामणीचं आगमन मिरवणूक सोहळा ३१ ऑगस्ट २०२४ ला दुपारी २.०० वाजता सुरू होणार आहे. यानिमित्ताने गणेश टॉकीज, (परब चौक) साने गुरुजी मार्गे-गॅस कंपनी जंक्शन- डॉ. बी. ए. रोड- दक्षिण वाहिनी सरदार हॉटेल जंक्शन दत्ताराम लाड मार्ग ते चिंचपोकळीतील मंडळाच्या मंडपापर्यंत मिरवणूक काढण्यात येणार असल्याने वाहतूक पोलिसांनी रस्ते वाहतुकीत बदल केलाय.
– डॉ. बी. ए. रोड, उत्तर वाहिनी हंसराज राठोड चौक (बावला कंपाऊंड जंक्शन) ते कॉम्रेड कृष्णा देसाई चौक (भारतमाता जंक्शन) वाहतुकीसाठी बंद राहणार आहे.
– डॉ. बी. ए. रोड, दक्षिण वाहिनी कॉम्रेड कृष्णा देसाई चौक (भारतमाता जंक्शन) ते हंसराज राठोड चौक (बावला कंपाऊंड जंक्शन).
– साने गुरुजी मार्ग कॉम्रेड गणाचार्य जंक्शन (चिंचपोकळी जंक्शन) ते संत जगनाडे महाराज चौकापर्यंत (गॅस कंपनी).
– ना. म. जोशी मार्ग – गुलाबराव गणाचार्य चौक (चिंचपोकळी जंक्शन) ते गंगाराम तळेकर चौक (एस. ब्रिज. जंक्शन).
– महादेव पालव मार्ग एक दिशा आहे. तसेच शिंगटे मास्तर चौक ते कॉम्रेड कृष्णा देसाई चौक (भारतमाता जंक्शन) बंद राहील.
– डॉ.बी.ए. रोड, उत्तर वाहिनीवरील वाहने हंसराज राठोड चौक (बावला कंपाऊंट जंक्शन) – उजवे वळन – टि.बी कदम मार्ग – जी.डी आंबेडकर मार्ग – श्री साईबाबा रोड मार्ग – भारतमाता जंक्शनकडे जातील.
– डॉ.बी.ए. रोड, दक्षिण वाहिनीवरून सीएसएमटीकडे जाणारी वाहने लालबाग ब्रिजचा वापर करतील.
– दक्षिण वाहिनीवरील वाहने कॉम्रेड कृष्णा देसाई चौक (भारतमाता जंक्शन) – उजवे वळण – करी रोड – ब्रिज – शिंगटे मास्तर चौक – डावे वळण – एन. एम. जोशी मार्ग – कॉम्रेड गणाचार्य जंक्शन (चिंचपोकळी जंक्शन) – अब्दुल हमिद अन्सारी चौक (खडा पारसी) इथून दक्षिण मुंबीईकडे जातील.
– दक्षिण वाहिनीवरील वाहने कॉम्रेड कृष्णा देसाई चौक (भारतमाता जंक्शन) – डावे वळण घेवून – जिजीभाई लेन – सदाशिव गोपाळ नाईक चौक – श्री साईबाबा मार्ग – साई बाबा टी जंक्शन – डावे वळण – जी. डि. आंबेकर स्लीप रोड – व्हेटरनरी कॉलेज गेट – उजवे वळण – जी. डी. आंबेकर मार्ग – श्रावण यशवंते चौक – बॅरीस्टर नाथ पै मार्ग – पी डिमेला रोमने दक्षिण मुंबईकडे जातील.
सवलतीच्या दरात वीज पुरवठा, किसान क्रेडिट कार्ड, बँकांकडून कृषी दरात कर्ज मिळणार! मुंबई : राज्यातील…
मुंबई: मुंबईकरांचा प्रवास सुखकर आणि जलद करण्यासाठी, सुरू करण्यात आलेल्या मुंबई मेट्रोच्या अ‍ॅक्वा लाईन-३ (Mumbai…
नवी दिल्ली : पाकिस्तानसोबत सुरू असलेल्या तणावाच्या पार्श्वभूमीवर केंद्र सरकारने भारताच्या प्रादेशिक सैन्याच्या १४ बटालियन…
देशासाठी प्राणाची आहुती; घाटकोपरच्या मुरली नाईक यांना वीरमरण मुंबई : पाकिस्तानच्या कपटी कारवायांना उधळून लावताना…
मुंबई : भारत आणि पाकिस्तान यांच्या दरम्यान वाढत असलेल्या तणावाच्या पार्श्वभूमीवर महाराष्ट्राचे मुख्यमंत्री देवेंद्र फडणवीस…
मुंबई: 'ऑपरेशन सिंदूर' (Operation Sindoor) अंतर्गत भारतीय लष्कराने काश्मीर आणि पाकव्याप्त काश्मीरमधील कुख्यात 9 दहशतवाद्यांचे…