मुंबई : लोकसभा निवडणुकीच्या निकालाच्या (Loksabha Election Result 2024) दिवशी शेअर बाजारात (Share Market) भूकंप झाला. या वातावरणामुळे जवळपास सर्वच क्षेत्रांच्या शेअर्समध्ये मोठी घसरण झाली होती. गुंतवणूकदारांचा जवळपास १० लाख रुपयांचा चुराडा झाला होता. मात्र या शेअर बाजाराने पुन्हा यू-टर्न घेतला आहे. शेअर मार्केटच्या भूकंपानंतर एका वाहन कंपनीने तुफान स्पीड पकडला असून उच्चांक गाठला आहे.
शेअर्स खरेदीसाठी उड्या दुचाकी उत्पादक कंपनी हीरो मोटोकॉर्प (Hero Motocorp) लिमिटेडचा शेअर आठवड्याच्या तिसऱ्या दिवशी ८.७ टक्क्यांनी वाढून ५,७७५ रुपयांच्या विक्रमी उच्चांकी पातळीवर पोहोचला आहे. शेअरचा हा ५२ आठवड्यांतील उच्चांकी स्तर आहे. हीरो मोटोकॉर्पच्या शेअरमध्ये आतापर्यंत १० टक्क्यांनी वाढ झाली आहे.
दरम्यान, या शेअरने वर्ष २०२४ मध्ये ३८ टक्के सकारात्मक परतावा दिला आहे. हीरो मोटोकॉर्प, महिंद्रा अँड महिंद्रा (५८ टक्के परतावा) आणि बजाज ऑटो (४० टक्के परतावा) हे निफ्टी ५० निर्देशांकातील तीन सर्वोत्तम कामगिरी करणारे शेअर्स आहेत. तसेच ग्रामीण वापरातील वाढ किंवा ग्रामीण अर्थव्यवस्थेतील पुनरुज्जीवन हे हीरो आणि बजाज ऑटोसारख्या दुचाकी उत्पादकांसाठी फायदेशीर आहेत. आणि त्यांच्या एन्ट्री लेव्हल बाईकची विक्री वाढण्याची शक्यता आहे, असे शेअर मार्केटमधील तज्ज्ञांनी म्हटले आहे.
गेल्या आर्थिक वर्ष २०२३-२४ च्या चौथ्या तिमाहीत हीरो मोटोकॉर्पचा नफा १६.७ टक्क्यांनी वाढून ९४३.४६ कोटी रुपये झाला आहे. आर्थिक वर्ष २०२२-२३ च्या चौथ्या (जानेवारी ते मार्च) तिमाहीत कंपनीचा नफा ८१०.८० कोटी रुपये होता. या तिमाहीत कामकाजातून मिळणारे उत्पन्न ९,६१६.६८ कोटी रुपये आहे, जे गेल्या वर्षी या कालावधीत ८,४३४.२८ कोटी रुपये होते.
भारतीय क्रिकेट इतिहासामधील महत्त्वाचे पान म्हणून ओळखल्या जाणाऱ्या रोहित शर्माने कसोटी क्रिकेटमधून तडकाफडकी निवृत्ती घेतली.…
युद्धजन्य सावट: नागरिकांनी खालील बाबी तात्काळ अमलात आणाव्यात! भारत-पाकिस्तान दरम्यान पुन्हा एकदा संघर्ष पेटलेला आहे.…
उमेश कुलकर्णी भारतात आणि जगातही असे अनेक खेळाडू होऊ गेले की ज्यांची कहाणी प्रेरणादायक तर…
सैन्याच्या तिन्ही दलाकडून चौफेर हल्लाबोल! इस्लामाबाद थरथरला! कराची पोर्ट उद्ध्वस्त... पाकिस्तान घाबरला, संपूर्ण देशात ब्लॅक…
मधुसूदन जोशी : मुंबई ग्राहक पंचायत महेश आपल्या कुटुंबाला घेऊन दिल्लीच्या एका हॉटेलमध्ये गेला. बऱ्याच…
नवी दिल्ली: पाकिस्तानविरुद्ध भारतीय लष्कराच्या कारवाईला आता अमेरिकेचे समर्थन मिळाले आहे. संयुक्त राष्ट्र अमेरिका म्हणजेच…